అను ఐదో హిట్ కొడుతుందా?
- IndiaGlitz, [Friday,September 08 2017]
'మ‌జ్ను' చిత్రంతో తెలుగువారికి పరిచయమైన క‌థానాయిక అను ఎమ్మానియేల్‌. ఆ త‌రువాత 'కిట్టు ఉన్నాడు జాగ్ర‌త్త'తో మ‌రో హిట్‌ని త‌న ఖాతాలో వేసుకుంది. ప్ర‌స్తుతం ఈ ముద్దుగుమ్మ ప‌వ‌న్ క‌ళ్యాణ్ , త్రివిక్ర‌మ్ కాంబినేషన్లో వ‌స్తున్న కొత్త చిత్రంలోనూ.. అల్లు అర్జున్ చిత్రం 'నా పేరు సూర్య'లోనూ హీరోయిన్‌గా న‌టిస్తోంది. అలాగే గోపీచంద్‌తో జోడీక‌ట్టిన 'ఆక్సిజ‌న్' విడుద‌ల‌కు సిద్ధ‌మైంది. ఎన్టీఆర్‌తో త్రివిక్ర‌మ్ రూపొందించ‌నున్న కొత్త చిత్రంలోనూ అనుని హీరోయిన్‌గా ఎంచుకున్నార‌ని వార్త‌లు వినిపిస్తున్నాయి.
ఇదిలా ఉంటే.. త‌మిళంలో ఈ ముద్దుగుమ్మ న‌టించిన తొలి చిత్రం 'తుప్పరివాలన్' (విశాల్ హీరో) ఈ నెల 15న విడుద‌ల‌కు సిద్ధ‌మైంది. ఇప్ప‌టివ‌ర‌కు అను నాలుగు చిత్రాల్లో న‌టిస్తే అవ‌న్నీ హిట్ అయ్యాయి. మ‌ల‌యాళంలో 'స్వ‌ప్న‌సంచారి', 'యాక్ష‌న్ హీరో బిజు', తెలుగులో 'మ‌జ్ను', 'కిట్టు ఉన్నాడు జాగ్ర‌త్త' రూపంలో నాలుగు విజ‌యాలు అందుకున్న అను.. 'తుప్పరివాలన్'తో ఐదో విజ‌యం త‌న ఖాతాలో వేసుకుంటుందేమో చూడాలి.