నాని క‌థానాయ‌కుడుగా న‌టించిన కృష్ణగాడి వీర‌ప్రేమ‌గాథ చిత్రంతో తెలుగు తెర‌కు ప‌రిచ‌య‌మైంది పంజాబీ బ్యూటీ మెహ‌రీన్‌. ఆ సినిమా క‌మ‌ర్షియ‌ల్‌గా మంచి రిజ‌ల్ట్‌ని సొంతం చేసుకుంది. ఆ త‌రువాత ఒక‌టిన్న‌ర సంవ‌త్స‌రం గ్యాప్‌తో వ‌చ్చిన ఆమె రెండో తెలుగు చిత్రం మ‌హానుభావుడు విజ‌య‌ద‌శ‌మి కానుక‌గా విడుద‌లై విజ‌య‌ప‌థంలో ప‌య‌నిస్తోంది. కాగా, మెహ‌రీన్ న‌టించిన మూడో తెలుగు చిత్రం రాజా ది గ్రేట్‌.. దీపావ‌ళి కానుక‌గా విడుద‌ల‌కు సిద్ధ‌మైంది.

మాస్ మ‌హారాజ్ ర‌వితేజ క‌థానాయ‌కుడిగా న‌టించిన ఈ చిత్రానికి అనిల్ రావిపూడి ద‌ర్శ‌క‌త్వం వ‌హిస్తున్నారు. ప‌టాస్‌, సుప్రీమ్ చిత్రాల‌తో రెండు విజ‌యాల‌ను సొంతం చేసుకున్న అనిల్‌కిది హ్యాట్రిక్ ప్ర‌య‌త్నం. మ‌రి ర‌వితేజ కాంబినేష‌న్‌తో మెహ‌రీన్‌, అనిల్ హ్యాట్రిక్ సొంతం చేసుకుంటారా? లేదో తెలియాలంటే దీపావ‌ళి వ‌ర‌కు వెయిట్ చేయాల్సిందే. దిల్ రాజు నిర్మిస్తున్న ఈ చిత్రానికి సాయి కార్తీక్ సంగీత‌మందిస్తున్నాడు.