Allu Arjun Gallery

రేసుగుర్రంలా క‌థానాయ‌కుల రేసులో దూసుకుపోతున్నాడు అల్లు అర్జున్‌. ప్ర‌స్తుతం ఈ మెగా వారి క‌థానాయ‌కుడు బోయ‌పాటి శ్రీ‌ను ద‌ర్శ‌క‌త్వంలో 'స‌రైనోడు' సినిమా చేస్తున్న సంగ‌తి తెలిసిందే. ఈ సినిమా ఏప్రిల్‌లో విడుద‌ల‌య్యే అవ‌కాశ‌ముంది.

ఇదిలా ఉంటే.. బ‌న్నికి ఉన్న ఓ ట్రాక్ రికార్డ్ 'స‌రైనోడు'కీ క‌లిసొచ్చే అంశంగా ఉంది. ఇంత‌కీ అదేమిటంటే.. త‌మ ఆర‌వ చిత్రాన్ని బ‌న్ని హీరోగా తెర‌కెక్కించిన ద‌ర్శ‌కుల‌కు విజ‌య‌మే వ‌రించింది. 'బ‌న్ని' సినిమాని త‌న ఆర‌వ చిత్రంగా తెర‌కెక్కించిన వి.వి.వినాయ‌క్‌కి.. 'రేసు గుర్రం' ని త‌న ఆర‌వ చిత్రంగా తెర‌కెక్కించిన సురేంద‌ర్ రెడ్డికి స‌క్సెస్ ల‌భించింది.

ఇప్పుడు వీరి శైలిలోనే త‌న ఆర‌వ చిత్రాన్ని బ‌న్నితో తీస్తున్నాడు బోయ‌పాటి. మ‌రి బోయ‌పాటి కాంబినేష‌న్‌తో త‌న‌కున్న ఆ ట్రాక్ రికార్డ్ కి సంబంధించి.. బ‌న్ని హ్యాట్రిక్ కొడ‌తాడో లేదో చూడాలి. విశేష‌మేమిటంటే.. 'బ‌న్ని', 'రేసు గుర్రం' ఏప్రిల్ ప్ర‌థ‌మార్థంలో రిలీజ‌య్యాయి. 'స‌రైనోడు' కూడా ఆ వైపుగానే విడుద‌ల‌కు సిద్ధ‌మ‌వుతోంది.