அஜித் நடித்து முடித்துள்ள ’வலிமை’ திரைப்படம் வரும் 13ஆம் தேதி உலகம் முழுவதும் திரையரங்குகளில் வெளியாக உள்ள நிலையில் இந்த படத்தின் டிரைலர் சமீபத்தில் வெளியாகி மிகப்பெரிய வரவேற்பை பெற்று வருகிறது என்பதும் யூடியூபில் பார்வையாளர் எண்ணிக்கையில் இந்த டிரைலரின் வீடியோ மிகப்பெரிய சாதனை செய்துள்ளது என்பது தெரிந்ததே.

இந்த நிலையில் இந்த படத்திற்கு யுவன் சங்கர் ராஜா இசையமைத்துள்ளார் என்பதும் இதுவரை வெளியாகிய இரண்டு பாடல்களும் சூப்பர்ஹிட் என்பதும் மற்ற பாடல்கள் இன்று வெளியாக உள்ளது என்பது குறிப்பிடத்தக்கது.

இந்த நிலையில் ’வலிமை’ படத்தின் பின்னணி இசையை யுவன் சங்கர் ராஜா அமைக்கவில்லை என்றும், இந்த படத்தின் பின்னணி இசையை ஜிப்ரான் அமைத்து உள்ளதாகவும் தகவல்கள் வெளியாகியுள்ளன. ஏற்கனவே இயக்குனர் எச். வினோத் இயக்கத்தில் உருவான ’தீரன் அதிகாரம் ஒன்று’ படத்திற்கு ஜிப்ரான் இசையமைத்த நிலையில் ’வலிமை’ படத்திற்கும் அவர்தான் இசையமைத்துள்ளதாக கூறப்படுகிறது.

அஜித்தின் ’ஆரம்பம்’ உள்பட ஒரு சில திரைப்படங்களுக்கு சூப்பராக பின்னணி இசை அமைத்துள்ள யுவன்சங்கர்ராஜா ’வலிமை’ படத்திற்கு ஏன் பின்னணி இசை அமைக்கவில்லை என்பது குறித்த காரணம் தெரியவில்லை என்பது குறிப்பிடதக்கது. இருப்பினும் யுவன் சங்கர் ராஜாவின் பாடல்கள் மற்றும் ஜிப்ரானின் பின்னணி இசை ரசிகர்களை திருப்தி அடையும் வகையில் இருக்கும் என்று கூறப்படுகிறது.