பூஜை, ஆம்பள வெற்றி படங்களை அடுத்து விஷால் நடித்து முடித்துள்ள 'பாயும் புலி' திரைப்படத்தின் பாடல் வெளியீட்டு விழா நாளை சென்னையில் நடைபெறவுள்ளது. இந்த பாடல் வெளியீட்டு விழாவிற்கு விஷாலுக்கு நெருக்கமாகவும், நண்பர்களாகவும் இருக்கும் பல முன்னணி இளையதலைமுறை நடிகர்கள் வருவார்கள் என்று எதிர்பார்க்கப்படுகிறது.

இந்நிலையில் விஷால் தன்னுடைய சமூக வலைத்தளத்தில் ஆர்யாவை தன்னுடைய 'பாயும்புலி' திரைப்படத்தின் இசை வெளியீட்டு விழாவிற்கு வரவேண்டாம் என்று வேடிக்கையாக பதிவு செய்துள்ளார். கடந்த முறை தன்னுடைய படத்தின் பாடல் வெளியீட்டு விழாவுக்கு வந்த ஆர்யா, பெரும் பரபரப்பை ஏற்படுத்திவிட்டதாகவும், அதனால் இந்த படத்தின் பாடல் வெளியீட்டு விழாவிர்கு வரவேண்டாம் என்றும் அவர் தனது சமூக வலைத்தளத்தில் தெரிவித்துள்ளார். இருப்பினும் ஆர்யா கண்டிப்பாக பாயும் புலி' படத்தின் பாடல் வெளியீட்டு விழாவில் கண்டிப்பாக கலந்து கொள்வார் என்றே கூறப்படுகிறது.

விஷால், காஜல் அகர்வால், சமுத்திரக்கனி, சூரி, ஜெயப்பிரகாஷ், ஆனந்த்ராஜ் மற்றும் பலர் நடிப்பில் உருவாகியுள்ள 'பாயும் புலி' திரைப்படத்தை சுசீந்திரன் இயக்கியுள்ளார். டி.இமானின் இசையில், வேல்ராஜ் ஒளிப்பதிவில் அந்தோணியின் படத்தொகுப்பில் உருவாகியுள்ள இந்த படத்தை வேந்தர் மூவீஸ் நிறுவனம் தயாரித்துள்ளது. இந்த படம் செப்டம்பரில் ரிலீஸ் ஆகிறது.

Dear jammy @arya_offl pls don't come for my audio launch #PaayumPuli. Lol last time u created a stir. Dis time don't come.Luv u. God bless

— Vishal (@VishalKOfficial) July 31, 2015