మ‌హేష్ న‌టిస్తున్న 25వ సినిమా మ‌హ‌ర్షి. మే 9న విడుద‌ల కానుంది. పూజా హెగ్డే, అల్ల‌రి న‌రేష్ కూడా ఇందులో కీల‌క పాత్ర‌దారులు.వంశీ పైడిప‌ల్లి ద‌ర్శ‌క‌త్వం వ‌హిస్తున్నారు. ఎప్పుడూ లేనంత‌గా ఈ సినిమా ఓవ‌ర్సీస్ రైట్స్ 18 కోట్ల దాకా చెప్పిన‌ట్టు స‌మాచారం. కొంద‌రు డిస్ట్రిబ్యూర్లు ఆ నెంబ‌ర్ విని భ‌య‌ప‌డ్డార‌ట‌.

ఎంత 25వ సినిమా అయితే మాత్రం 'బ్ర‌హ్మోత్స‌వం' లాగా ఏ మాత్రం తేడా కొట్టినా నిండా మునగ‌డం ఖాయ‌మ‌ని అనుకుంటున్నార‌ని వినికిడి. అందుకే నిర్మాత‌లు చెప్పే రేట్ల‌కు ధైర్యం చేయ‌లేక‌పోతున్నార‌ని టాక్‌. స్టార్ హీరో న‌టిస్తున్న 25వ సినిమాకు ఓవ‌ర్సీస్ బిజినెస్ ఇంకా జ‌ర‌గ‌క‌పోవ‌డం ఏంట‌నేది ఇప్పుడు సినిమా ప‌రిశ్ర‌మ‌లో హాట్ టాపిక్‌గా మారింది.

ఒక‌వేళ తాము అనుకున్న రేంజ్ మార్కెట్ జ‌ర‌గ‌క‌పోతే సినిమాను సొంతంగా విడుద‌ల చేసుకోవ‌డానికి కూడా నిర్మాత‌లు స‌న్నాహాలు చేస్తున్నార‌ట‌. మ‌రోవైపు మ‌హ‌ర్షి ప‌బ్లిసిటీ మొద‌లైంది. చోటిచోటి పాట బాగానే ఊపందుకుంది.

ఉగాదికి టీజ‌ర్ కూడా ప్రేక్ష‌కుల ముంద‌కు రానుంది. మీనాక్షి దీక్షిత్ ఇందులో మ‌హేష్ గ‌ర్ల్ ఫ్రెండ్‌గా క‌నిపించ‌నుంది. మ‌హేష్ రెండు లుక్స్ లో క‌నిపించ‌నున్నారు. ఇదంతా ఒక ఎత్తు.. ఇప్పుడుఓవ‌ర్సీస్ బిజినెస్ సంగ‌తి ఒకెత్తు. ఏం జ‌రుగుతుందో వెయిట్ అండ్ సీ అన్న‌మాట‌.