பிரபல நடிகர் சிவகார்த்திகேயனின் பிறந்த நாளான இன்று அவர் நடித்து வரும் படத்தின் டைட்டில் 'சீமராஜா' என்று அறிவிக்கப்பட்டுள்ளது என்பதை ஏற்கனவே பார்த்தோம். இந்த படத்தின் ஃபர்ஸ்ட்லுக் போஸ்டரில் சிவகார்த்திகேயன் குதிரையில் உட்கார்ந்து கையில் மஞ்சள் கொடியை பிடித்துள்ளார். இந்த ஸ்டில்லுக்கு பல்வேறு காரணங்கள் கூறப்பட்டு வருகின்றன.

இந்த நிலையில் டைட்டிலுக்கு ஏற்றாற்போல் இந்த படத்தில் அரசர் காலத்திய சம்பவங்கள் சில இந்த படத்தில் இடம்பெற்றுள்ளதாக கூறப்படுகிறது. குறிப்பாக ராஜராஜ சோழன் காலத்திய சம்பவங்கள் இந்த படத்தில் இருப்பதாகவும், இதனால்தான் இந்த படத்திற்கு 'சீமராஜா' என்ற டைட்டில் வைக்கப்பட்டுள்ளதாகவும் கூறப்படுகிறது.

இவ்வாண்டு செப்டம்பர் மாதம் வரும் வினாயகர் சதுர்த்தி தினத்தில் வெளியாகும் இந்த படத்தில் முதல்முறையாக சிவகார்த்திகேயன் - சமந்தா ஜோடி சேர்ந்துள்ளனர். டி.இமான் இசையமைப்பில் 24ஏம் ஸ்டுடியோஸ் நிறுவனத்தின் தயாரிப்பில் உருவாகி வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது