படப்பிடிப்பின்போது மகேஷ்பாபுவை அடித்த கீர்த்தி சுரேஷ்: அப்புறம் என்ன நடந்தது தெரியுமா?
- IndiaGlitz, [Tuesday,May 03 2022]
படப்பிடிப்பின்போது மகேஷ்பாபுவை தெரியாமல் கீர்த்தி சுரேஷ் அடித்து விட்டதாகவும் அதன் பிறகு அவர் மன்னிப்பு கேட்டதாகவும் தகவல் வெளியாகியுள்ளன.
பிரபல தெலுங்கு நடிகர் மகேஷ் பாபு மற்றும் கீர்த்தி சுரேஷ் இணைந்து நடித்த ’சர்காரு வாரி பாட்டா’ என்ற தெலுங்கு திரைப்படம் வரும் 12ஆம் தேதி உலகம் முழுவதும் திரையரங்குகளில் வெளியாக உள்ளது. இந்த படத்தின் டிரைலர் சமீபத்தில் வெளியாகி நல்ல வரவேற்பை பெற்றுக் கொண்டிருக்கிறது என்பதும் டிரைலர் ரிலீசுக்கு பிறகு இந்த படத்திற்கு எதிர்பார்ப்பு அதிகரித்துள்ளது என்பது குறிப்பிடத்தக்கது.
இந்த நிலையில் இந்த படத்தில் நடித்த அனுபவம் குறித்து கீர்த்தி சுரேஷ் கூறிய போது, ‘ஒரு நாள் படப்பிடிப்பின்போது மகேஷ்பாபுவின் முகத்தில் தவறுதலாக அடித்து விட்டேன். இதனை அடுத்து உடனடியாக அவரிடம் நான் மன்னிப்பு கேட்டேன். ஆனால் அவர் பெருந்தன்மையாக ’அதனால் ஒன்றுமில்லை கவலைப்பட வேண்டாம்’ என்று கூறினார். இருப்பினும் நான் திரும்பத் திரும்ப அவரிடம் மன்னிப்பு கேட்டேன். இதை அவர் லேசான விஷயங்களில் ஒன்றாக எடுத்துக் கொண்டது எனக்கு நிம்மதியை தந்தது’ என்று கூறியுள்ளார்.