மோகன்லால், மீனா நடித்த நடிப்பில் ஜீத்து ஜோசப் இயக்கிய ’த்ரிஷ்யம்’ திரைப்படத்தின் தமிழ் ரீமேக்கான ’பாபநாசம்’ படத்தில் கமல்ஹாசன் மற்றும் கௌதமி நடித்த இருந்தனர் என்பதும் இந்த படம் நல்ல வரவேற்பை பெற்று ரூபாய் 100 கோடிக்கு மேல் வசூல் செய்து கொடுத்தது என்பது குறிப்பிடத்தக்கது

இந்த நிலையில் சமீபத்தில் ’த்ரிஷ்யம் 2’ திரைப்படம் ஓடிடியில் வெளியாகி மிகப்பெரிய வரவேற்பை பெற்றது என்பது தெரிந்ததே. இந்த படத்தின் தெலுங்கு ரீமேக் பணிகள் நடைபெற்று வரும் நிலையில் தமிழ் ரீமேக் விரைவில் தொடங்கப்படும் என்றும் அதில் கமலஹாசனே நடிப்பார் என்றும் கூறப்பட்டது. ’த்ரிஷ்யம் 2’ படத்தின் தமிழ் ரீமேக் உரிமையை நடிகை ஸ்ரீபிரியா பெற்றுள்ள நிலையில் அவரே இந்த படத்தை இயக்குவார் என்றும் கூறப்பட்டது.

இந்த நிலையில் ’பாபநாசம் 2’ படத்தில் நடிக்க கமல்ஹாசன் நடிக்க தயங்கி வருவதாக கூறப்படுகிறது. ’த்ரிஷ்யம் 2’ படம் திரைப்படம் ஓடிடியில் வெளியானதால் பெரும்பாலான தமிழ் ரசிகர்கள் இந்த படத்தை பார்த்து இருப்பார்கள் என்றும் இதனால் இந்த படத்தை தமிழில் ரீமேக் செய்தால் பெரிய அளவில் வெற்றி பெற வாய்ப்பு இல்லை என்று கமல் கருதுவதாக கூறப்படுகிறது. அதுமட்டுமின்றி ’த்ரிஷ்யம்’ படத்தின் கிளைமாக்ஸில் இருந்து ’பாபநாசம்’ படத்தின் கிளைமாக்ஸ் கொஞ்சம் வித்தியாசம் உண்டு என்பதும் ’பாபநாசம்’ படத்தில் கிட்டத்தட்ட கமல் தனது குற்றத்தை ஒப்புக் கொள்வது போன்று வசனம் பேசி இருப்பார் என்றும் அதனால் தமிழில் இந்த படம் இரண்டாம் பாகம் எடுத்தால் சரிவராது என்று கமலஹாசன் எண்ணுவதாகவும் கூறப்படுகிறது. இருப்பினும் கமலஹாசன் மனதை ஸ்ரீப்ரியா மாற்றுவாரா? ’பாபநாசம் 2’ உருவாகுமா? என்பதை பொறுத்திருந்து பார்ப்போம்.