99 சாங்ஸ் விழாவில் இந்தியில் பேசியது ஏன்? தொகுப்பாளினி விளக்கம்!
- IndiaGlitz, [Wednesday,March 31 2021]
சமீபத்தில் ஏஆர் ரஹ்மான் தயாரித்து, இசை அமைத்து, கதை எழுதிய ’99 சாங்ஸ்’ என்ற திரைப்படத்தின் பாடல் வெளியீட்டு விழா சென்னையில் நடைபெற்றது. இந்த பாடல் வெளியீட்டு விழாவில் தொகுப்பாளினி திடீரென ஒரு சில வரிகள் ஹிந்தியில் பேச, உடனே ரஹ்மான் சிரித்து கொண்டே ‘ஹிந்தி’ என்று தொகுப்பாளினியை கலாய்க்கும் வீடியோ இணையதளங்களில் வைரலானது
மேலும் ‘உங்களிடம் நான் முதலிலேயே கேட்டேன் தமிழ் தெரியுமா என்று ரஹ்மான் கூறியதும், அதற்கு தொகுப்பாளினி ’நான் தமிழ் தான் சார் பேசினேன், ஒரு சில வார்த்தைகள் மட்டும் தான் வெல்கம் செய்வதற்காக இந்தியில் பேசினேன்’ என்று கூற அதன்பிறகு ரஹ்மான், ‘சரி பரவாயில்லை’ என்று கூறினார். இதுகுறித்த வீடியோக்கள் இணையதளங்களில் வைரலானது என்பது தெரிந்ததே
இந்த நிலையில் சமீபத்தில் ஊடகமொன்றுக்கு பேட்டி அளித்த அந்த தொகுப்பாளினி இதுகுறித்து விளக்கமளித்துள்ளார். அந்த நிகழ்ச்சியை தொகுத்து வழங்கிக் கொண்டிருந்தபோது இஹான் தமிழ் தெரியாததால் சற்று அசௌகரியமாக இருந்தார். எனவே அவரை உற்சாகப்படுத்த வேண்டும் என்பதற்காகவே நான் ஒரு சில வார்த்தைகள் ஹிந்தியில் பேசினேன் என்று கூறினார்.
மேலும் நான் இஹானுக்கு தமிழ் வார்த்தைகள் எல்லாம் கற்று கொடுக்கலாம் என்றெல்லாம் திட்டமிட்டிருந்தேன். ஆனால் ரஹ்மான் சார் இவ்வாறு சொன்னதும் எனக்கு எதுவும் ஓடவில்லை. நான் அப்படியே சில நிமிடம் ஃப்ரீஸ் ஆகிவிட்டேன் என்றும் கூறினார்.