ஏன் அரைநாள் போராட்டம்: நடிகர் சங்கம் விளக்கம்
- IndiaGlitz, [Tuesday,April 03 2018]
காவிரி மேலாண்மை வாரியம் அமைக்க வலியுறுத்தியும், ஸ்டெர்லைட் ஆலையை நிரந்தரமாக மூட வலியுறுத்தியும் நாட்கணக்கில், வாரக்கணக்கில் , மாதக்கணக்கில் பொதுமக்களும், அரசியல் கட்சிகளும் போராடி வருகின்றனர்.
இந்த நிலையில் இந்த இரண்டு பிரச்சனைகளுக்காக நடிகர் சங்கம் வரும் 8ஆம் தேதி அரைநாள் அறவழி போராட்டம் நடத்த முடிவு செய்து அறிவிப்பு ஒன்றை வெளியிட்டுள்ளது. மேலும் ஒருநாள் முழுவதும் போராட்டம் செய்யாமல் அரை நாள் மட்டும் போராட்டம் செய்வது ஏன் என்பது குறித்தும் நடிகர் சங்கம் ஒரு விளக்க அறிக்கையை வெளியிட்டுள்ளது. அந்த அறிக்கையில் கூறப்பட்டுள்ளதாவது:
நடிகர் சங்கத்தின் கண்டன அறவழி போராட்டம் நடத்த 8.4.18 ஞாயிறு அன்று காலை 9மணி முதல் 6மணி தான் போலீஸ் அனுமதி கோரப்பட்டது. ஆனால் காலை 9மணி முதல் மதியம் 1மணி வரை தான் போலீஸ் அனுமதி கிடைக்க பெற்றது என்பதை தெரிவித்துக்கொள்கிறோம் என்று நடிகர் சங்கம் அறிவித்துள்ளது.