'பேட்ட' படத்தில் நடிக்க மறுத்தது ஏன்? பகத் பாசில் விளக்கம்
- IndiaGlitz, [Friday,October 05 2018]
சூப்பர் ஸ்டார் ரஜினிகாந்த் நடித்து வரும் 'பேட்ட' படத்தில் அவ்வப்போது பிரபலங்கள் இணைந்து வரும் செய்திகளை பார்த்து வருகிறோம். லேட்டஸ்ட்டாக பிரபல நடிகர் சசிகுமார் இந்த படத்தில் இணைந்துள்ளார்.
இந்த நிலையில் இந்த படத்தில் ஒரு முக்கிய கேரக்டரில் நடிக்க பிரபல மலையாள நடிகர் பகத் பாசிலை படக்குழுவினர் அணுகியதாகவும், ஆனால் அவர் இந்த படத்தில் நடிக்க மறுத்ததாகவும் செய்திகள் வெளிவந்தது
இந்த செய்தியை உண்மை என பகத் பாசிலும் ஒப்புக்கொண்டுள்ளார். 'பேட்ட' படத்திற்காக கேட்ட தேதிகளில் ஏற்கனவே 'வரதன்' என்ற மலையாள படத்தில் நடிக்க ஒப்புக்கொண்டதால் இந்த படத்தில் தன்னால் நடிக்க முடியவில்லை என்று பகத் பாசில் கூறியுள்ளார். ஏற்கனவே ஒருசில காரணங்களால் மணிரத்னம் இயக்கிய 'செக்க சிவந்த வானம்' படத்தில் நடிக்கும் வாய்ப்பையும் பகத் பாசில் இழந்தார் என்பது குறிப்பிடத்தக்கது.