మెగాస్టార్ చిరంజీవి ప్ర‌స్తుతం హైద‌రాబాద్‌లో లేరు. బ్యాంకాక్ చేరుకున్నారు. ఆదివారం రాత్రే ఆయ‌న బ్యాంకాక్ బ‌య‌లుదేరిన‌ట్లు స‌మాచారం. అక్క‌డే 10-15 రోజుల పాటు ఉండ‌బోతున్నార‌ట‌. ఇంత‌కు ఇప్పుడు మెగాస్టార్ బ్యాంకాక్ ఎందుకు వెళ్లిన‌ట్లు అని అనుకుంటే ఆయ‌న అక్క‌డే మ్యూజిక్ సిట్టింగ్స్‌లో పాల్గొంటున్నార‌ని స‌మాచారం. మెగాస్టార్ చిరంజీవి 152వ చిత్రం కొర‌టాల శివ ద‌ర్శ‌క‌త్వంలో తెర‌కెక్క‌నుంది. ఈ సినిమాకు మ‌ణిశ‌ర్మ సంగీతం అందిస్తున్నారు. ఈ సినిమా మ్యూజిక్ సిట్టింగ్స్ బ్యాంకాక్‌లో జ‌రుగుతున్నాయి. అందులో భాగంగానే చిరు అక్క‌డికి వెళ్లార‌ని టాక్‌.

డిసెంబ‌ర్‌లో ఈ సినిమా రెగ్యుల‌ర్ షూటింగ్ ప్రారంభం కానుందని టాక్‌. ఇన్నాళ్లు పామ్‌లో లేని మ‌ణిశ‌ర్మ `ఇస్మార్ట్ శంక‌ర్‌`తో ఫామ్‌లోకి వ‌చ్చాడు. చిరంజీవి మ్యూజిక్ డైరెక్ట‌ర్‌గా ప‌రిచయం చేసిన మ‌ణిశ‌ర్మ, చిరంజీవి న‌టించిన ప‌లు చిత్రాల‌కు అద్భుత‌మైన సంగీతాన్ని అందించారు. మ‌ధ్య‌లో దేవిశ్రీ ప్ర‌సాద్‌, త‌మ‌న్ దూసుకు రావ‌డంతో పాటు మ‌ణిశ‌ర్మ క‌నుమ‌రుగ‌య్యాడు. ఇంత‌కు ముందు ఈ చిత్రానికి అజ‌య్ అతుల్ పేర్లు సంగీత ద‌ర్శ‌కులుగా పేర్లు విన‌ప‌డ్డాయి. కానీ చివ‌ర‌కు వారిద్ద‌రూ నో చెప్పిసిన‌ట్లు ఇండ‌స్ట్రీ వ‌ర్గాల స‌మాచారం.

ఈ చిత్రాన్ని నిరంజన్ రెడ్డి, రామ్‌చ‌ర‌ణ్ ఈ చిత్రాన్ని నిర్మిస్తున్నారు. రీసెంట్‌గా స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డి బ‌యోపిక్ `సైరా న‌రసింహారెడ్డి` విడుద‌లై మంచి టాక్‌ను సంపాదించుకుంది. అంత‌కు ముందు చిరంజీవి `ఖైదీ నంబ‌ర్ 150` సినిమాతో బ్లాక్‌బ‌స్ట‌ర్‌ను సాధించాడు. ఇప్పుడు మెసేజ్ ఓరియెంటెడ్ క‌మ‌ర్షియ‌ల్ చిత్రాల‌ను తెర‌కెక్కించడంలో దిట్ట అయిన కొరటాల శివ ఈ చిత్రాన్ని డైరెక్ట్ చేస్తుండ‌టంతో సినిమాపై భారీ అంచ‌నాలు నెల‌కొన్నాయి. ఇందులో త్రిష హీరోయిన్‌గా న‌టిస్తుంద‌ని టాక్‌.