தென்னிந்திய நடிகர் சங்கத்தின் சார்பில் சமீபத்தில் மலேசியாவில் பிரமாண்டமான நட்சத்திர கலைவிழா நடைபெற்றது. கமல், ரஜினி உள்பட கோலிவுட்டின் முக்கிய நடிகர், நடிகைகள் இந்த விழாவில் கலந்து கொண்டனர். இந்த விழாவில் வசூலான டிக்கெட்டுக்களின் தொகை நடிகர் சங்க கட்டிடம் கட்ட பயன்படுத்தப்படும் என அறிவிக்கப்பட்டிருந்தது.

இந்த நிலையில் நடிகர் சங்க கட்டிடத்தின் நிதிக்காக நடத்தப்படும் நட்சத்திர கலைவிழாவில் கலந்து கொள்ள அஜித்துக்கும் அழைப்பு விடுக்கப்பட்டதாம். அப்போது அஜித், 'மக்கள் கொடுக்கும் தியேட்டர் டிக்கெட்டில் இருந்துதான் நாம் சம்பாதிக்கிறோம். அதனால் நடிக்சர் சங்க கட்டடத்துக்கு நாமே நிதி அளிக்கலாம்' என்று கூறியதாக நடிகர் எஸ்.வி.சேகர் தெரிவித்துள்ளார்.

ஏற்கனவே விஜய்காந்த் நடிகர் சங்க தலைவராக இருந்தபோது சிங்கப்பூரில் நடந்த கலைவிழாவுக்கு அழைப்பு விடுத்தபோதும் அஜித் இதே பதிலைத்தான் கூறினார் என்பது குறிப்பிடத்தக்கது.