మెగాస్టార్ చిరంజీవి, మెహర్ రమేవ్ కాంబినేషన్‌లో ‘వేదాళం’ సినిమా రీమేక్ కానుంద‌నే సంగ‌తి అన‌ధికారికంగా ఖ‌రారైపోయింది. ‘వేదాళం’ సినిమా సిస్ట‌ర్ సెంటిమెంట్ ప్ర‌ధానంగా సాగుతుంది. ఒక‌వేళ ఈ తెలుగులో చిరు ఈ మేర‌క్‌లో న‌టిస్తే మ‌రి ఇందులో చిరంజీవి చెల్లెలుగా ఎవ‌రు న‌టిస్తారు? అనేది డిస్కషన్ పాయింట్ అయ్యింది. కొన్ని రోజులు ముందు చిరంజీవి చెల్లెలు పాత్ర‌లో సాయిప‌ల్ల‌వి న‌టిస్తుంద‌ని వార్త‌లు వినిపించాయి. కాగా..ఇప్పుడు మ‌రో స్టార్ హీరోయిన్ పేరు కూడా ప‌రిశీల‌న‌లో ఉన్న‌ట్లు వార్త‌లు వినిపిస్తున్నాయి. ఆ స్టార్ హీరోయిన్ ఎవ‌రో కాదు.. కీర్తిసురేశ్‌. మ‌రి చివ‌ర‌కు వేదాళం తెలుగు రీమేక్‌లో సాయిప‌ల్ల‌వి, కీర్తిసురేశ్‌ల‌లో ఎవ‌రైనా న‌టిస్తారా? లేక మ‌రో హీరోయిన్ ఎవ‌రైనా న‌టిస్తుందా అని తెలియాలంటే వెయిటింగ్ త‌ప్ప‌దు. వేదాళం రీమేక్‌ను ఎన్‌.వి.ప్ర‌సాద్‌, రామ్‌చ‌ర‌ణ్ క‌లిసి నిర్మించ‌బోతున్నార‌ని టాక్‌.

ప్ర‌స్తుతం కొర‌టాల శివ ద‌ర్శ‌క‌త్వంలో చిరంజీవి 152వ చిత్రం ‘ఆచార్య‌’ చిత్రీక‌ర‌ణ ద‌శ‌లో ఉంది. క‌రోనా ప‌రిస్థితులు చ‌క్క‌బ‌డ్డ త‌ర్వాతే షూటింగ్‌ను స్టార్ట్ చేస్తార‌ట‌. నిరంజ‌న్ రెడ్డి, రామ్‌చ‌ర‌ణ్ నిర్మాత‌లు. హైద‌రాబాద్‌లో చిత్రీక‌ర‌ణ శ‌ర‌వేగంగా జ‌రుగుతున్న సమయంలో కరోనా వైరస్ ప్రభావంతో చిత్రీకరణ ఆగింది. అక్టోబర్‌లో సినిమా షూటింగ్ ప్రారంభం అవుతుందని వార్తలు వినిపిస్తున్నాయి.