తేజ్ స‌ర‌స‌న ముగ్గురిలో ఎవ‌రు?
- IndiaGlitz, [Monday,June 10 2019]
సాయిధ‌ర‌మ్ తేజ్ హీరోగా మారుతి ద‌ర్శ‌క‌త్వంలోఓ సినిమా రూపొంద‌నున్న సంగతి తెలిసిందే. జి.ఎ2 పిక్చ‌ర్స్‌, యు.వి.క్రియేష‌న్స్ సంస్థ‌లు ఈ చిత్రాన్ని నిర్మించ‌నున్నాయి. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఫ్యామిలీ ఎంట‌ర్‌టైన‌ర్‌గా సినిమా తెర‌కెక్క‌నుంది.
ఈ సినిమాలో హీరోయిన్‌గా ఎవ‌రిని తీసుకోవాల‌నే దానిపై ఇప్పుడు క‌స‌రత్తులు జ‌రుగుతున్నాయి. ఇప్ప‌టికే 'నేల‌టిక్కెట్టు' హీరోయిన్ మాళ‌వికా శ‌ర్మ పేరు విన‌ప‌డింది. కాగా ఇప్పుడు మ‌రో ఇద్ద‌రు హీరోయిన్ పేర్లు విన‌ప‌డుతున్నాయి. వారే నిధి అగ‌ర్వాల్‌, రుక్సార్ థిల్లాన్‌. మ‌రి ఈ ముగ్గురిలో హీరోయిన్ ఎవ‌ర‌నేది తెలియాలంటే కొంత కాలం ఆగాల్సిందే.