விஜய் டிவியில் கடந்த சில மாதங்களாக ஒளிபரப்பாகி வரும் 'குக் வித் கோமாளி என்ற நிகழ்ச்சி மிகப்பெரிய வரவேற்பை பெற்றுள்ளது என்பது தெரிந்ததே. இந்த நிலையில் இந்த நிகழ்ச்சியின் இறுதிப் போட்டிக்கு கனி, அஸ்வின், பாபா பாஸ்கர், ஷகிலா மற்றும் பவித்ரா ஆகியோர் தேர்வு செய்யப்பட்டனர் என்பதும் இந்த ஐவரில் ஒருவர் டைட்டில் பட்டம் வெல்வார்கள் என்றும் தெரிந்ததே

இந்த நிலையில் சமீபத்தில் இந்த நிகழ்ச்சியின் இறுதிப் போட்டியின் படப்பிடிப்பு நடந்ததாகவும் அதில் வெற்றி பெற்றவர்கள் மற்றும் ரன்னர் குறித்த தகவல்கள் தற்போது கசிந்துள்ளதாகவும் சமூக வலைதள பயனாளர்கள் தெரிவித்துள்ளனர்.

அவர்கள் கொடுத்த தகவலின்படி இந்த நிகழ்ச்சியின் டைட்டில் வின்னராக கனி தேர்வு செய்யப்பட்டதாக தகவல்கள் வெளிவந்துள்ளது. மேலும் முதல் ரன்னராக ஷகிலாவும் இரண்டாவது ரன்னராக அஸ்வினும் தேர்வு செய்யப்பட்டுள்ளார்கள் என்று கூறப்படுகிறது. இதனை அடுத்து டைட்டில் பட்டம் வென்றதாக கூறப்படும் கனிக்கு வாழ்த்துக்கள் குவிந்து வருகிறது என்பது குறிப்பிடத்தக்கது