రామ్ చ‌ర‌ణ్ న‌టిస్తున్న తాజా చిత్రం బ్రూస్ లీ. ద‌స‌రా కానుక‌గా బ్రూస్ లీ చిత్రాన్ని అక్టోబ‌ర్ 16న ప్రేక్ష‌కుల ముందుకు తీసుకువ‌స్తున్నారు. బ్రూస్ లీ చిత్రం త‌ర్వాత రామ్ చ‌ర‌ణ్ త‌మిళ చిత్రం త‌ని ఒరువ‌న్ రీమేక్ లో న‌టించ‌నున్నారు. ఈ చిత్రం తెలుగు రీమేక్ రైట్స్ ను బ్రూస్ లీ నిర్మాత దాన‌య్యే తీసుకున్నారు. త‌ని ఒరువ‌న్ చిత్ర ద‌ర్శ‌కుడు జ‌యం రాజానే తెలుగు రీమేక్ ను కూడా డైరెక్ట్ చేస్తార‌ని ప్రచారం జ‌రిగింది.

ఆత‌ర్వాత సురేంద‌ర్ రెడ్డి ఈ రీమేక్ ని డైరెక్ట్ చేయ‌నున్న‌ట్టు వార్త‌లు వ‌స్తున్నాయి. డైరెక్ట‌ర్ ఎవ‌ర‌నేది త్వ‌ర‌లోనే ఎనౌన్స్ చేయ‌నున్నారు. ఇక అస‌లు విష‌యానికి వ‌స్తే... చ‌ర‌ణ్, కాజ‌ల్ క‌ల‌సి మ‌గ‌థీర‌, నాయ‌క్, ఎవ‌డు, గోవిందుడు అంద‌రివాడేలే...చిత్రాల్లో న‌టించారు. వీరిద్ద‌రు క‌ల‌సి న‌టించిన ఈ చిత్రాలు మంచి విజ‌యాలు సాధించాయి. దీంతో త‌ని ఒరువ‌న్ రీమేక్ లో కూడా చ‌ర‌ణ్ స‌ర‌స‌న కాజ‌ల్ న‌టిస్తే బాగుంటుంద‌ని ఆలోచిస్తున్నార‌ట‌. ఇప్ప‌టికే కాజ‌ల్ ని చిత్ర‌యూనిట్ సంప్ర‌దించిన‌ట్టు సమాచారం.అయితే ఈ విష‌యం పై క్లారిటీ రావాల్సి ఉంది.