பிக்பாஸ் போட்டியாளர்களுக்கான முக்கிய விதிகளில் ஒன்று ஒவ்வொரு வாரமும் ஒருவர் எலிமினேட் செய்யப்படுவது என்பது தெரிந்ததே. அந்த வகையில் இந்த வாரம் சனிக்கிழமை வெளியேறும் முதல் நபர் யார் என்பதற்கான தேர்வு நேற்று நடைபெற்றது.

போட்டியாளர்கள் ஒவ்வொருவரும் கன்பெக்சன் அறையில் வெளியேற்றும் இரண்டு நபர்களின் பெயர்களை கூறினர். இதன்படி எலிமினேட் பட்டியலில் உள்ள முதல் நபராக அனந்து தேர்வு செய்யப்பட்டார். இவர் இந்த போட்டிக்கு சரியான தேர்வு இல்லை என்று ஏற்கனவே பார்வையாளர்கள் கருத்து கூறியிருந்தனர் என்பதை பார்த்தோம். அதையே போட்டியாளர்களும் உறுதி செய்தனர். 

அனந்துவை அடுத்து எலிமினேட் பட்டியலில் இடம்பெற்றவர் மும்தாஜ். முதல் பிக்பாஸ் நிகழ்ச்சியில் இருந்த காயத்ரியை ஞாபகப்படுத்தும் அளவுக்கு இவரிடம் கொஞ்சம் அதிகமாகவே நாட்டாண்மை தன்மை இருந்ததாக போட்டியாளர்கள் குற்றம் கூறினர். 

அதேபோல் இந்த பட்டியலில் இருந்த அடுத்த இரு நபர்கள் ரித்விகா மற்றும் நித்யா. ரித்விகா அமைதியாக யாருடனும் பேசாமல் இருப்பதாகவும், நித்யா வேலை எதுவும் செய்யாமல் இருப்பதாகவும் போட்டியாளர்கள் கூறினர்

எனினும் இந்த வாரம் முதல் வாரம் என்பதால் எலிமினேஷன் இல்லை என்று பிக்பாஸ் அறிவித்துள்ளார். ஆனால் இந்த அறிவிப்பு போட்டியாளர்களுக்கு தெரியாது என்பதால் அனைவரும் முதல் நபராக வெளியேறுபவர் யாராக இருக்கும் என்ற பரபரப்பில் உள்ளனர்.