விஜய் டிவியில் ஒளிபரப்பாகி வரும் பிக் பாஸ் நிகழ்ச்சியில் ஒவ்வொரு வாரமும் ஞாயிற்றுக்கிழமை ஒரு போட்டியாளர் எலிமினேஷன் செய்யப்படும் நிலையில், இன்று எலிமினேஷன் செய்யப்படும் போட்டியாளர் குறித்த தகவல் தற்போது கசிந்து உள்ளது.

பிக் பாஸ் நிகழ்ச்சியின் எட்டாவது சீசன் கடந்த சில வாரங்களுக்கு முன் ஆரம்பிக்கப்பட்ட நிலையில், 16 போட்டியாளர்கள் இந்த நிகழ்ச்சியில் கலந்து கொண்டனர். இதுவரை இந்த நிகழ்ச்சியிலிருந்து ரவீந்தர், அர்னவ், தர்ஷா மற்றும் சுனிதா ஆகிய நான்கு போட்டியாளர்கள் எலிமினேஷன் செய்யப்பட்டுள்ளனர்.

இந்த நிலையில் கடந்த சில நாட்களுக்கு முன்னால் 6 போட்டியாளர்கள் வைல்ட் கார்டு என்ட்ரியாக பிக் பாஸ் வீட்டிற்குள் வந்தனர். பாடகி ரியா தியாகராஜன், நடிகர் ராணவ், நடிகை வர்ஷினி வெங்கட், சமூக வலைதள பிரபலம் மஞ்சரி நாராயணன், நடிகர் ஷிவகுமார் மற்றும் சீரியல் நடிகர் ராயன் ஆகியோர் வைல்ட் கார்டு என பிக் பாஸ் வீட்டிற்கு வந்தனர்.

இந்த நிலையில், இந்த வாரம் நாமினேஷன் செய்யப்பட்டவர்களில் குறைந்த வாக்குகள் பெற்றவர் வைல்ட் கார்டு என்ட்ரியாக வந்த ரியா தியாகராஜன் என்றும், அவர்தான் இந்த வாரம் எலிமினேஷன் செய்யப்பட்டதாகவும் தகவல் வெளியாகி உள்ளன.