தல அஜித் நடித்த 'விவேகம்' திரைப்படம் இன்று உலகம் முழுவதும் வெளியாகி திரையரங்குகளில் ஓடிக்கொண்டிருக்கின்றது. இந்த படத்திற்கு கலவையான விமர்சனங்கள் வந்து கொண்டிருக்கும் நிலையில் அஜித்தின் அடுத்த படத்தை இயக்குவது யார்? என்ற கேள்வி எழுந்துள்ளது.

கோலிவுட்டின் இருபெரும் நடிகர்களான அஜித், விஜய்யின் படங்கள் வெற்றி அடைந்தாலும், தோல்வி அடைந்தாலும் இருவரின் அடுத்த படங்களை இயக்குவதற்கு முன்னணி இயக்குனர்களே வரிசையில் காத்திருப்பது வழக்கமான ஒன்று. அந்த வகையில் அஜித்தின் அடுத்த படத்தை இயக்க யார் யாருக்கெல்லாம் வாய்ப்பு இருக்கின்றது தெரியுமா?

வெங்கட்பிரபு, ஏ.ஆர்.முருகதாஸ், ஷங்கர், ஹரி, அட்லி, விக்னேஷ் சிவன், சுதா, ஜெயம் ராஜா போன்ற இயக்குனர்களில் ஒருவர் அஜித்தின் அடுத்த படத்தை இயக்கினால் பொருத்தமாக இருக்கும் என்று எதிர்பார்க்கப்படுகிறது. யாருக்கு அந்த அதிர்ஷ்டம் அடிக்க போகிறது என்பதை பொறுத்திருந்து பார்ப்போம்!