இவர்தான் பிக்பாஸ் வின்னரா?
- IndiaGlitz, [Saturday,September 30 2017]
பிக்பாஸ் நிகழ்ச்சியின் கிளைமாக்ஸ் இன்று இரவு நடைபெறவுள்ள நிலையில் கடந்த சில மணி நேரமாக இந்த நிகழ்ச்சியின் படப்பிடிப்பு நடந்து வருவதை ஏற்கனவே பார்த்தோம். இந்த நிலையில் நமக்கு கிடைத்த தகவலின்படி இந்த போட்டியின் வெற்றியாளர் கணேஷ் என்பதாக தெரிகிறது. இருப்பினும் இன்று இரவு நிகழ்ச்சியில் அறிவிக்கப்படும் வரை பொறுமை காப்போம்
ஆரம்பத்தில் இருந்தே கணேஷ் இந்த நிகழ்ச்சியில் யாரையும் தனது போட்டியாளராக நினைக்காமல் உண்மையாக நடந்துள்ளார். சக போட்டியாளர்களிடம் அவர் காட்டிய பரிவு, அக்கறை, வெளியேறும் போட்டியாளர்களுக்காக உண்மையாக வருத்தப்படுவது, அவர்களுக்கு ஆறுதல் கூறுவது என அனைத்து விதத்திலும் அவருக்கு பார்வையாளர்களின் ஆதரவு கிடைத்துள்ளது. சினேகன் அவருக்கு கடும்போட்டியாக இருந்தாலும் கணேஷ் வெற்றியாளராக தேர்வு செய்யப்பட்டிருப்பது உண்மை என்றால் அவர் சரியான தேர்வுதான் என்பது அனைவரின் கருத்தாக உள்ளது.
மேலும் இன்றைய பிக்பாஸ் நிகழ்ச்சியில் ஓவியா உள்பட அனனத்து போட்டியாளர்களும் கலந்து கொண்டிருப்பதால் பிக்பாஸ் வீடு, முதல் நாள் போல் கலகலப்பாக இருந்ததாகவும், குறிப்பாக ஓவியாவுக்கு எதிர்பார்த்ததை விட பிக்பாஸ் வீட்டில் அதிக வரவேற்பு இருந்ததாகவும் கூறப்படுகிறது.