அடுத்த சூப்பர் ஸ்டார் யார்? என்ற கேள்விக்கு இன்னும் விடை தெரியாத நிலையில் அடுத்த கமல் யார் என்பது குறித்து நடிகை கஸ்தூரி தனது சமூக வலைத்தளத்தில் கருத்து தெரிவித்துள்ளார்.

நேற்று முன் தினம் தனுஷ் நடித்த 'வடசென்னை' படத்தின் டீசர் வெளியாகி பெரும் வரவேற்பை பெற்ற நிலையில் இந்த டீசர் குறித்து நடிகை கஸ்தூரி தனது சமூக வலைத்தளத்தில், 'வடசென்னை டீஸர் பாத்துட்டேன். அடுத்த கமல் தனுஷ் தான் தனுஷேதான்' என்று கூறியுள்ளார். ஒரு திரைப்படத்தின் கேரக்டரில் நடிக்காமல், அந்த கேரக்டராகவே மாறிவிடுவது கமல் வழக்கம். அதுபோல் தனுஷ், 'வடசென்னையில் அந்த கேரக்டராகவே வாழ்ந்துவிட்டதாக பலர் கருத்து கூறி வருகின்றனர்.

கஸ்தூரியின் இந்த டுவீட்டுக்கு தனுஷ் ரசிகர்களிடம் இருந்து நல்ல வரவேற்பு கிடைத்தாலும் வழக்கம்போல் நெட்டிசன்களின் கேலியும் கிண்டலுடன் கூடிய கமெண்ட்டுகளும் பதிவாகி வருகிறது.