பிக்பாஸ் தமிழ் 3: இந்த வாரம் வெளியேறுவது யார்?
- IndiaGlitz, [Saturday,August 03 2019]
பிக்பாஸ் தமிழ் நிகழ்ச்சியின் சர்ச்சைக்குரிய போட்டியாளர்களாக கருதப்பட்ட வனிதா, மீராமிதுன் ஆகியோர் வெளியேறிய பின்னர் இந்த வாரம் வெளியேறும் நபர் யாராக இருக்கும் என்பதே அனைவரும் எண்ணமாக இருந்து வருகிறது. இந்த வாரம் கவின், சாக்சி, அபிராமி, ரேஷ்மா, மற்றும் மதுமிதா ஆகியோர் நாமினேஷன் செய்யப்பட்டிருக்கும் நிலையில் மதுமிதா மற்றும் ரேஷ்மா வெளியேற வாய்ப்பே இல்லை என கருதப்படுகிறது
அதேபோல் அபிராமிக்கு வாக்குகள் அதிகமாக பதிவாகி வருவதாக செய்திகள் வெளிவந்துள்ளதால் நமக்கு கிடைத்த தகவலின்படி சாக்சிக்கு குறைவான ஓட்டுக்கள் விழுந்துள்ளதாகவும் அதனால் அவர் வெளியேற அதிக வாய்ப்புகள் இருப்பதாகவும் தெரிகிறது. மேலும் கடந்த வாரமே சாக்சிக்குத்தான் குறைவான வாக்குகள் விழுந்திருந்தன. ஆனால் மீராமிதுன் சேரனை தவறான கண்ணோட்டத்தில் குற்றஞ்சாட்டியதால், ஒரே நாளில் மீராவுக்கு மிகக்குறைவான வாக்குகளே கிடைத்ததால் அவர் வெளியேற்றப்பட்டு சாக்சி காப்பாற்றப்பட்டார்.
இந்த வாரமும் சேரனுடன் சரவணன் மோசமாக நடந்து கொண்டதாலும், சரவணன் இந்த வாரம் நாமினேஷனில் இல்லாததால் அவர் தப்பிவிட்டதாக கருதப்படுகிறது. சாக்சியின் குழப்பம், கவின், லாஸ்லியா உறவை புரிந்து கொள்ளாமல், புரிந்து கொள்ள முயற்சிக்காமல் இருக்கும் குணத்தால் பெரும்பாலான பார்வையாளர்கள் அவரை வெறுக்கும் நிலை ஏற்பட்டுள்ளது என்பது குறிப்பிடத்தக்கது