కింగ్ మూవీలో కింగ్ రోల్ చేస్తున్న విలన్..!
- IndiaGlitz, [Tuesday,December 13 2016]
టాలీవుడ్ కింగ్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్లో రూపొందుతున్న భ‌క్తిర‌స చిత్రం ఓం న‌మో వేంకటేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి నిర్మిస్తున్నారు. ఈ చిత్రంలో అందాల తార‌లు అనుష్క, ప్ర‌గ్యా జైస్వాల్, విమ‌లారామ‌న్ నటిస్తున్న విష‌యం తెలిసిందే.
అయితే...ఈ మూవీలో జ‌గ‌ప‌తిబాబు ఓ రాజు పాత్ర పోషిస్తున్నారు. వెంక‌టేశ్వ‌ర‌స్వామి భ‌క్తురాలైన కృష్ణ‌మ్మ‌ను ప్రేమించే రాజుగా జ‌గ‌ప‌తిబాబు న‌టిస్తున్నార‌ట. నాగార్జున న‌టించిన రావోయి చంద‌మామ‌లో జ‌గ‌ప‌తిబాబు న‌టించారు. మ‌ళ్లీ ఇప్పుడు నాగార్జున సినిమాలో జ‌గ‌ప‌తిబాబు న‌టిస్తుండ‌డం విశేషం. జ‌గ‌ప‌తిబాబు భ‌క్తిర‌స చిత్రంలో రాజుగా న‌టించ‌డం ఇదే తొలిసారి. ఈ చిత్రం షూటింగ్ పూర్తి చేసుకుని పోస్ట్ ప్రొడ‌క్ష‌న్ వ‌ర్క్ జ‌రుపుకుంటుంది. ఫిబ్ర‌వ‌రి 10న ఓం న‌మో వేంకటేశాయ చిత్రాన్ని ప్ర‌పంచ వ్యాప్తంగా రిలీజ్ చేయ‌డానికి ప్లాన్ చేస్తున్నారు.