சூப்பர் ஸ்டார் ரஜினிகாந்த் நடிப்பில் பி வாசு இயக்கத்தில் உருவான ’சந்திரமுகி’ திரைப்படம் மிகப்பெரிய வெற்றி பெற்ற நிலையில் தற்போது ’சந்திரமுகி 2’ படத்தை பி வாசு இயக்கி வருகிறார். ராகவா லாரன்ஸ் முக்கிய வேடத்தில் நடித்து வரும் இந்த படத்தின் படப்பிடிப்பு இறுதி கட்டத்தை நெருங்கியுள்ளது என்பது தெரிந்ததே.

இந்த நிலையில் பிரபல பாலிவுட் நடிகை கங்கனா ரனாவத் இந்த படத்தில் சமீபத்தில் இணைந்தார் என்பதும் அவர்தான் சந்திரமுகி கேரக்டரில் நடித்து வருவதாகவும் கூறப்பட்டது. மேலும் அவரது நடன காட்சி மும்பையில் படமாக்கப்பட்டு வரும் நிலையில் சந்திரமுகி கேரக்டரில் அவர் நடித்து வருவது கிட்டத்தட்ட உறுதி செய்யப்பட்டதாகவே கருதப்பட்டது.

இந்த நிலையில் தற்போது வந்துள்ள தகவலின்படி கங்கனா ரனாவத் சந்திரமுகி கேரக்டரில் நடிக்கவில்லை என்று கூறப்படுகிறது. அப்படியென்றால் சந்திரமுகி கேரக்டரில் நடிப்பது யார் என்று பட குழுவினர்களிடம் விசாரித்த போது லட்சுமி மேனன் தான் சந்திரமுகி கேரக்டரில் நடிக்கிறார் என்று தெரிய வருகிறது.

லட்சுமி மேனன் இந்த படத்தில் மாற்றுத்திறனாளியாக நடிக்கிறார் என்றும் அவர்தான் சந்திரமுகி கேரக்டரில் நடிக்கிறார் என்றும் கூறப்படுகிறது. இந்த தகவல் ரசிகர்களுக்கு பெரும் ஆச்சரியத்தை ஏற்படுத்தி உள்ளது. மேலும் இந்த படம் ரஜினிகாந்த் நடித்த ’சந்திரமுகி’ படத்தின் தொடர்ச்சி அல்ல என்றும் இது பி வாசுவின் புதிய கதை என்றும் இந்த கதை ரசிகர்களுக்கு மிகப்பெரிய ஆச்சரியமான அனுபவத்தை கொடுக்கும் என்றும் கூறப்படுகிறது.

லைகா நிறுவனத்தின் பிரம்மாண்டமான தயாரிப்பில் உருவாகி வரும் இந்த படம் பிரபல தெலுங்கு இசையமைப்பாளர் மரகதமணி இசையில், ஆர்டி ராஜசேகர் ஒளிப்பதிவில் தோட்டா தரணி கலை இயக்கத்தில் உருவாக்கி வருகிறது. இந்த படம் இந்த ஆண்டு இறுதியில் வெளியாக வாய்ப்புள்ளத