రానా, చైతన్య.. ఇద్ద‌రిలో ఎవ‌రు?
- IndiaGlitz, [Monday,December 04 2017]
ప‌టాస్‌, సుప్రీమ్‌, రాజా ది గ్రేట్ చిత్రాల‌తో హ్యాట్రిక్ విజయాలను అందుకున్న యువ దర్శకుడు అనిల్ రావిపూడి. తన తదుపరి చిత్రానికి 'ఎఫ్2' అనే టైటిల్ ని కూడా అనౌన్స్ చేసారు. అంతేకాకుండా.. ఇది ఒక మల్టీ స్టారర్ సినిమా అని కూడా ఆయ‌న వెల్లడించారు. అనిల్ స్వ‌యంగా ప్ర‌క‌టించ‌క‌పోయిన‌ప్ప‌టికీ.. ఇప్పటికే ఒక హీరోగా విక్టరీ వెంకటేష్ పేరు ఖరారైందని సమాచారం.
రెండో హీరోగా చాలా మంది హీరోల పేర్లు తెరపైకి వచ్చాయి. ఈ మధ్య సాయి ధరమ్‌ తేజ్ పేరు బాగా ప్రచారంలోకి వచ్చింది. అయితే లేటెస్ట్ సమాచారం బట్టి సాయి ఈ సినిమాలో నటించడం లేదని తెలిసింది. ఇప్పుడు మరో ఇద్దరి హీరోల పేర్లు మళ్ళీ వినిపిస్తున్నాయి. అందులో ఒకరు రానా కాగా, మరొకరు నాగ చైతన్య.
అయితే ఈ ఇద్దరి హీరోల్లో ఎవరో ఒకరు వెంకితో కలిసి నటించే అవకాశం ఉంద‌ని తెలిసింది. మరి వెంకీతో కలిసి నటించే ఈ అవకాశం.. అత‌ని అన్న కొడుకు రానాకి ద‌క్కుతుందా? లేకుంటే సోద‌రి కొడుకు నాగ‌చైత‌న్య‌కి ద‌క్కుతుందా? అనేది ఆస‌క్తిక‌రంగా మారింది. త్వ‌ర‌లోనే దీనిపై క్లారిటీ వ‌స్తుంది.