ప్రేయసి ప్రేమను పొందడానికి ఆమెను పొగుడుతూ ప్రియుడు చాలా అందమైన పాటలు పాడుతూ ఉంటాడు. రంగస్థలం` సినిమా నుంచి అలాంటి పాటను ఇటీవల విడుదల చేసింది చిత్ర బృందం. రామలక్ష్మి(సమంత) అందాన్ని చూసి చిట్టిబాబు(రామ్ చరణ్) పాడేసిన “ఎంత సక్కగున్నావే లచిమి” పాట ఇప్పటికే శ్రోతలను అలరిస్తోంది.

అయితే ఈ చిత్రం నుంచి త్వరలో రంగమ్మ, మంగమ్మ` అంటూ మరో పాటను చిట్టిబాబు పాడ‌బోతున్నాడు. త్వరలో ఈ పాటను సోషల్ మీడియాలో విడుదల చేయడానికి సన్నాహాలు జరుగుతున్నాయి. మరి ఈ సినిమాలో రంగమ్మ, మంగమ్మ ఎవరై ఉంటారని మెగా అభిమానులు ఆసక్తితో ఎదురుచూస్తున్నారు. కొంతమంది ఇది ఐటెం సాంగ్ అయి ఉండవచ్చునని భావిస్తున్నారు. ఇదిలా వుంటే...సినిమాలో ఈ పాటే ప్రత్యేక ఆకర్షణ నిలవనుందని చిత్ర యూనిట్ తెలుపుతోంది. మరి ఆ రంగమ్మ, మంగమ్మ` ఎవరో తెలియాలంటే విడుదల వరకు వేచి ఉండాల్సిందే. సుకుమార్ దర్శకత్వం వహించిన ఈ చిత్రం మార్చి 30న ప్రేక్షకుల ముందుకు రానుంది.