சிறுவர்கள் விளையாட வாங்கிய விசிலில் ஆபாச ஃபிலிம் ரோல் இருந்த சம்பவம் கோவையில் பெரும் பரபரப்பை ஏற்படுத்தி உள்ளது

கோவை மாவட்டம் சூலூர் என்ற பகுதியில் சிறுவர்கள் விசில் ஊதி விளையாடுவதற்காக பிலிம் சுருள் சுற்றப்பட்ட விசிலை வாங்குவது உண்டு. இந்த நிலையில் சூலூர் பகுதியில் உள்ள ஒரு கடையில் நேற்று சிறுவர்கள் விசில் வாங்கி விளையாடிக் கொண்டிருந்தனர்

அப்போது அந்த விசிலை அவர்களுடைய பெற்றோர்கள் வாங்கி சோதனை செய்தபோது அந்த விசிலில் சுற்றப்பட்டிருந்த பிலிம் ரோலில் ஆபாச படம் இருப்பது தெரியவந்ததால் பெற்றோர்கள் அதிர்ச்சி அடைந்தனர். இதனை அடுத்து அந்த விசில்களை வாங்கிய கடைக்காரரிடம் பெற்றோர்கள் முறையிட்டபோது, ’வடமாநிலத்தைச் சேர்ந்தவர்கள் மொத்தமாக தங்களிடம் விசிலை விற்று செல்வார்கள் என்றும் அதில் என்ன பிலிம் சுருள் இருக்கின்றது என்பது தங்களுக்குத் தெரியாது என்றும் இப்போது தான் தங்களுக்கே அதில் ஆபாச படத்தில் இருப்பது தெரியவந்தது என்றும் தெரிவித்தனர் இது குறித்து காவல்துறையில் புகார் அளிக்கப்பட்ட நிலையில் கடைகளில் விசில்களை விற்பனை செய்த மொத்த வியாபாரிகளிடம் விசாரணை நடத்தப்பட்டு வருகின்றது. சிறுவர்கள் விளையாடும் விசிலில் ஆபாச படம் பிலிம் சுருள் இருந்த விவகாரம், அந்த பகுதியில் பெரும் பரபரப்பை ஏற்படுத்தி உள்ளது