சிவகார்த்திகேயன் படத்துடன் போட்டியா? சந்தானம் விளக்கம்
- IndiaGlitz, [Monday,December 25 2017]
சிவகார்த்திகேயன் நடித்த 'வேலைக்காரன்' மற்றும் சந்தானம் நடித்த 'சக்க போடு போடு ராஜா' ஆகிய இரண்டு படங்களும் கடந்த வெள்ளியன்று வெளியாகி திரையரங்குகளில் ஓடிக்கொண்டிருக்கின்றது. இந்த நிலையில் சிவகார்த்திகேயனுடன் போட்டி போடும் எண்ணத்தில் சந்தானம் படம் வெளியானதா? என்பது குறித்த கேள்வி ஒன்றுக்கு பதிலளித்த சந்தானம், சிவகார்த்திகேயனுடன் எந்த போட்டியும் இல்லை. ஒரே நாளில் இரண்டு படங்கள் வெளியாகியுள்ளது. அவ்வளவுதான் என்று கூறினார்
மேலும் இரண்டில் எந்த படம் பெஸ்ட் என்ற கேள்விக்கு பதிலளித்த சந்தானம், நான் மட்டுமில்லை அனைவருமே தாங்கள் வேலை செய்த படம் தான் பெஸ்ட் என்று சொல்வார்கள். அந்த வகையில் தான் நானும் எனது படம் தான் சிறந்தது என்று கூறுவேன்.
ஆனால் அதே நேரத்தில் இரண்டுமே இரண்டு வெவ்வேறு விதமான படங்கள். வேலைக்காரன் மெசேஜ் சொல்லும் படமாகவும், எனது படம் முழுக்க முழுக்க காமெடியாக செல்லும் படமாகவும் உள்ளது' என்று கூறியுள்ளார்.