ప్ర‌భాస్‌, శ్ర‌ద్ధా క‌పూర్ న‌టించిన `సాహో` చిత్రాన్ని రామ్‌చ‌ర‌ణ్ ఎక్క‌డ చూస్తారో తెలుసా? ప్ర‌భాస్ థియేట‌ర్‌లోనే. యువీ క్రియేష‌న్స్ వంశీ, ప్ర‌మోద్ నిర్మించిన థియేట‌ర్ సూళ్లూరుపేట‌లో `వి ఎపిక్ ` పేరుతో ఉంది. ఆ థియేట‌ర్‌ను ఈ నెల 30న ప్రారంభించ‌నున్నారు. ఆ స‌మ‌యంలో ప్ర‌భాస్ యు.ఎస్‌.లో ఉండ‌నున్నారు. కానీ థియేట‌ర్ లాంచ్‌కు రామ్‌చ‌ర‌ణ్ వెళ్ల‌నున్నారు. రామ్‌చ‌ర‌ణ్‌తో పాటు ఉప‌రాష్ట్ర‌ప‌తి వెంక‌య్య‌నాయుడు కూడా హాజ‌ర‌వుతార‌ని వార్త‌లు వినిపిస్తున్నాయి. సో... ఈ నెల 30న థియేట‌ర్‌ను ప్రారంభించి, అక్క‌డే రామ్‌చ‌ర‌ణ్ `సాహో` సినిమా చూడ‌నున్నారు. రామ్‌చ‌ర‌ణ్ తండ్రి మెగాస్టార్ చిరంజీవికి నెల్లూరుతో ప్ర‌త్యేక‌మైన అనుబంధం ఉన్న సంగ‌తి తెలిసిందే. అక్క‌డ ప్రారంభ‌మైన వ‌ర‌ల్డ్ క్లాస్ థియేట‌ర్‌ను చ‌ర‌ణ్ ప్రారంభించ‌డం ప‌ట్ల అభిమానులు ఆనందాన్ని వ్య‌క్తం చేస్తున్నారు.

వి ఎపిక్ స్పెషాలిటీస్‌!

వి ఎపిక్‌లో మూడు స్క్రీన్‌లుంటాయి. వాటిలో ఒక‌టి ఇండియాలో లార్జెస్ట్ స్క్రీన్ అన్న‌మాట‌. ప్ర‌పంచంలో మూడో అతి పెద్ద స్క్రీన్ కింద లెక్క‌. 100 అడుగుల వెడ‌ల్పు, 54 అడుగుల ఎత్తు, 656 సీట్ల కెపాసిటీతో, డాల్బీ అట్మాస్ సౌక‌ర్యాల‌తో ఉంది. ప్రేక్ష‌కుల‌కు అద్భుత‌మైన అనుభూతి క‌లిగించాల‌ని ఈ స్క్రీన్‌ని ఏర్పాటు చేశారు. ఇది కాకుండా ఇంకో రెండు స్క్రీన్‌లు కూడా ఉంటాయి. వాటిలో ఒక్కొక్క‌టీ 140 సీట్ల కెపాసిటీని క‌లిగి ఉంటాయి. ప్ర‌తి సీటు కిందా స‌బ్ వూఫ‌ర్లు కూడా ఉంటాయ‌ట‌.

పెద‌నాన్న ఆధ్వ‌ర్యంలో..

ఈ ప్రారంభోత్స‌వం అంతా కృష్ణంరాజు ఆధ్వ‌ర్యంలో జ‌ర‌గ‌నుంద‌ట‌. కృష్ణంరాజు ద‌గ్గ‌రుండి ఉప‌రాష్ట్ర‌ప‌తిని రిజీవ్ చేసుకుని కార్య‌క్ర‌మాన్ని విజ‌య‌వంతం చేస్తాన‌ని ప్ర‌భాస్‌కు మాట ఇచ్చార‌ట‌. ఇచ్చిన మాట ప్ర‌కారం ఆయ‌న కుటుంబ స‌భ్యులు కూడా ఈ నెల 30న సూళ్లూరు పేట‌కు చేరుకోనున్నారు. `సాహో` చిత్రానికి `ర‌న్ రాజా ర‌న్‌` ఫేమ్ సుజీత్ ద‌ర్శ‌కుడు. ఆ చిత్రాన్ని తీర్చిదిద్దిన‌ట్టే `సాహో`ను కూడా స్క్రీన్‌ప్లే ప్ర‌ధానంగా రూపొందించారు. సాహో ఈ నెల 30న నాలుగు భాష‌ల్లో విడుద‌ల కానుంది.