మూడు సినిమా అగ్రిమెంట్‌తో యువ ద‌ర్శ‌కుల‌కు అవ‌కాశం ఇచ్చే నిర్మాత దిల్‌రాజు స‌తీష్ వేగేశ్న‌తో 'శ‌త‌మానం భ‌వ‌తి' సినిమా చేశాడు. ఈ సినిమాకు చాలా పెద్ద హిట్ అయ్యింది. జాతీయ అవార్డుల‌ను కూడా ద‌క్కించుకుంది.

త‌ర్వాత స‌తీష్ వేగేశ్న చేసిన 'శ్రీనివాస క‌ల్యాణం' ఫెయిల్యూర్ అయ్యింది. అయితే స‌తీష్ ద‌ర్శ‌క‌త్వంలో మరో సినిమాను నిర్మిస్తాన‌ని, దానికి 'థాంక్యు' అనే టైటిల్ కూడా అనుకున్నామ‌ని వేదిక‌పై దిల్‌రాజు ప్ర‌క‌టించారు. అయితే ఇప్పుడు దిల్‌రాజు స‌తీష్‌ను ప‌క్క‌న పెట్టేశాడా? లేక స‌తీష్ వేగేశ్న చేసిన క‌థ దిల్‌రాజుకు న‌చ్చ‌లేదా? అనేది తెల‌యలేదు.

కానీ స‌తీష్ వేగేశ్న ఇప్పుడు త‌న త‌దుప‌రి చిత్రాన్ని ఆదిత్య మ్యూజిక్‌ ఇండియా ప్రైవేట్‌ లిమిటెడ్‌ పతాకంపై ఉమేష్‌ గుప్తా నిర్మాణంలో చేయ‌బోతున్నాడు. ఈ చిత్రానికి `ఆల్ ఈజ్ వెల్‌` అనే టైటిల్ అన‌కుంటున్నారు. త్వ‌ర‌లోనే హీరో ఫైన‌లైజ్ అయ్యాక సినిమా వివ‌రాల‌ను ప్ర‌క‌టిస్తార‌ట‌.