పందెం కోడి సీక్వెల్ ఎప్పుడంటే..
- IndiaGlitz, [Monday,June 11 2018]
తాజాగా విడుద‌లైన త‌మిళ అనువాద చిత్రం అభిమ‌న్యుడుతో సంచ‌ల‌న విజ‌యాన్ని న‌మోదు చేసుకున్నారు విశాల్. చాలా కాలం త‌రువాత విశాల్‌కు ద‌క్కిన ఘ‌న‌విజ‌య‌మిది. ఈ సినిమా స‌క్సెస్‌ను ఎంజాయ్ చేస్తూనే.. త‌న త‌దుప‌రి చిత్రాన్ని పూర్తిచేసే ప‌నిలో ఉన్నారాయ‌న.
విశేష‌మేమిటంటే.. త‌న నెక్ట్స్ ప్రాజెక్ట్స్‌తో 25 చిత్రాల మైలురాయికి చేరుకుంటున్నారు విశాల్. ఇంత‌కీ త‌న 25వ చిత్ర‌మేమిటంటే.. త‌న కెరీర్‌ని మ‌లుపు తిప్పిన పందెం కోడి చిత్రానికి సీక్వెల్. త‌మిళంలో సండైకోళి 2 పేరుతో రాబోతున్న ఈ సీక్వెల్.. తెలుగు, త‌మిళ భాష‌ల్లో ద‌స‌రా కానుక‌గా అక్టోబ‌ర్ 18న రాబోతోంది.
ఈ విష‌యాన్ని విశాల్ స్వ‌యంగా ప్ర‌క‌టించారు. లింగు స్వామి ద‌ర్శ‌క‌త్వంలో రూపొందుతున్న ఈ చిత్రంలో మ‌హాన‌టి ఫేమ్ కీర్తి సురేష్ క‌థానాయిక‌గా న‌టిస్తోంది. సీక్వెల్‌తోనూ విశాల్ సంచ‌ల‌న విజ‌యం న‌మోదు చేసుకుంటారేమో చూడాలి.