'నాయకి' ఎప్పుడొస్తున్నావమ్మా..?
- IndiaGlitz, [Wednesday,June 29 2016]
చెన్నైలో తనకంటూ ఓ అభిమాన గ‌ణాన్ని సంపాదించుకున్న హీరోయిన్ త్రిష తెలుగు ప్రేక్ష‌కుల‌కి నాయకి త్రిష ప‌న్నెండేళ్లుగా సుప‌రిచితమే. కెరీర్ ప్రారంభంలో మంచి క్రేజ్‌ని మూట‌గ‌ట్టుకున్నా.. ఓ స్థాయి త‌రువాత ఆ క్రేజ్‌కు దూరంగా ఉండాల్సి వ‌చ్చింది. మ‌ళ్లీ మునుప‌టి హ‌వా కొన‌సాగించేందుకు త్రిష ప్ర‌య‌త్నిస్తోంది.
ప్ర‌స్తుతం త్రిష టైటిల్ పాత్ర‌లో రాజ్ కందుకూరి స‌మ‌ర్పిస్తున్న సినిమా 'నాయకి'. రెట్రో హ‌ర్ర‌ర్ ఎంట‌ర్ టైన‌ర్‌గా గిరిధ‌ర్ ప్రొడ‌క్ష‌న్ హౌస్ నిర్మించిన ఈ చిత్రానికి గిరిధ‌ర్ మామిడిప‌ల్లి, ప‌ద్మ‌జ మామిడిప‌ల్లి నిర్మాత‌లు. గోవి ద‌ర్శ‌కుడు. ఈ చిత్రాన్ని తెలుగు, త‌మిళంలో విడుద‌ల చేస్తున్నారు. రీసెంట్‌గా ఈ సినిమా సెన్సార్ కార్య‌క్ర‌మాల‌ను పూర్తి చేసుకుని 'ఎ' స‌ర్టిఫికేట్‌ను పొందింది. నిర్మాత‌లు సినిమాను జూలై 8న విడుద‌ల చేయ‌డానికి స‌న్నాహాలు చేసుకుంటున్నార‌ని స‌మాచారం.