10 வயதாக இருந்தபோது அமிதாப்புக்கு புரபோஸ் செய்த பிரபல நடிகை!
- IndiaGlitz, [Wednesday,October 12 2022]
பிரபல நடிகை ஒருவர் தான் 10 வயதாக இருந்தபோது அமிதாப்பச்சனிடம் ‘என்னை திருமணம் செய்து கொள்ளுங்கள்’ என புரபோஸ் செய்ததாக சமீபத்தில் பேட்டி ஒன்றில் தெரிவித்துள்ளார்.
பிரபல பாலிவுட் நடிகர் அமிதாப் பச்சன் நேற்று தனது 80வது பிறந்த நாளை கொண்டாடினார் என்பதும், ஒட்டுமொத்த இந்திய திரையுலகமே அவருக்கு வாழ்த்து தெரிவித்து என்பதும் குறிப்பிடத்தக்கது.
இந்த நிலையில் சமீபத்தில் பேட்டியளித்த பிரபல மலையாள நடிகை ஸ்வேதா மேனன் சிறுவயதில் நடந்த சம்பவங்களை நினைவுகூர்ந்தார். தான் 10 வயதாக இருந்தபோது விமானப்படையில் தனது தந்தை வேலை பார்த்துக் கொண்டிருந்ததாகவும் நாங்கள் அப்போது அலகாபாத்தில் இருந்தோம் என்றும் கூறினார்.
அப்போது ஒருநாள் ராஜீவ் காந்தி மற்றும் அமிதாப் பச்சன் ஆகிய இருவரும் இந்திரா காந்தியின் அஸ்தியை கரைக்க அலகாபாத் வருவதாக எனது தந்தை கூறினார் என்றும் அப்போது நான் அமிதாப்பச்சனை சந்திக்க வேண்டும் என்று கூறியதற்கு என் தந்தை மறுத்து விட்டார் என்றும் கூறினார்.
அப்போது எனக்கு 10 வயது இந்த போது எங்கள் வீட்டின் அருகே தான் விழா நடந்து கொண்டிருந்தது. அப்போது நான் அமிதாப்பச்சனிடம் அப்பாவுக்கு தெரியாமல் சென்று ’ஐ லவ் யூ, தயவு செய்து என்னை திருமணம் செய்து கொள்ளுங்கள்’ என்று கேட்டேன். அப்போது அப்பா என்னை கோபமாக பார்த்தார். அந்த நேரத்தில் மற்றொரு அதிகாரி வந்து என்னை தூக்கி கொண்டு சென்றுவிட்டார் என்று தெரிவித்தார்.
அதன்பின்னர் 1994ஆம் ஆண்டு மிஸ் இந்தியா பட்டம் வென்ற பிறகு அடுத்த ஆண்டு வெற்றியாளருக்கு முடிசூட்டும் நிகழ்ச்சியில் கலந்து கொண்டேன். அப்போது மேடையில் அமிதாப்பச்சன் இருந்ததை பார்த்து நான் மயங்கி விழுந்துவிட்டேன். அப்போது அவர் எனக்கு உதவி செய்தார். அந்த நிகழ்ச்சியை என்னால் மறக்க முடியாது’ என்று தனது மலரும் நினைவுகளை நடிகை ஸ்வேதா மேனன் தெரிவித்துள்ளார்.