'24' ஆத்ரேயாவின் வீல்சேர் என்ன ஆனது தெரியுமா?
- IndiaGlitz, [Sunday,July 03 2016]
நடிகர் சூர்யா நடிப்பில் சமீபத்தில் வெளிவந்த '24' திரைப்படம் நல்ல வரவேற்பை பெற்றது. குறிப்பாக சூர்யாவின் ஆத்ரேயா கேரக்டருக்கு அனைத்து தரப்பில் இருந்து பாராட்டுக்கள் குவிந்தது. வீல்சேரில் உட்கார்ந்தே தனது அபாரமான வில்லத்தன நடிப்பை சூர்யா வெளிப்படுத்தியிருப்பார்.
இந்நிலையில் இந்த வீல்சேர் தற்போது ஒரு நல்ல காரியத்திற்கு பயன்படுத்தப்பட்டுள்ளது. பெரும் தொகை கொடுத்து இந்த படத்திற்காகவே வாங்கப்பட்ட இந்த வீல்சேர், தற்போது The Spinal Foundation என்ற அமைப்பிற்கு வழங்கப்பட்டுள்ளது.
இந்த் வீல்சேர் சண்டிகார் மாநிலத்தில் வரும் 10ஆம் தேதி தொடங்கவுள்ள The Spinal Foundation அமைப்பின் புதிய கிளைக்கு வழங்கப்படவுள்ளதாகவும், அங்குள்ள மாற்றுத்திறனாளி ஒருவருக்கு இந்த வீல்சேர் பயன்படுத்த அனுமதிக்கப்படும் என்றும் இந்த அமைப்பு தனது சமூக வலைத்தளத்தில் தெரிவித்துள்ளது. மேலும் அந்த அமைப்பு சூர்யாவுக்கு நன்றியையும் பாராட்டுக்களையும் தெரிவித்துள்ளது.