ஐஸ்வர்யா ராஜேஷுக்கு கிரிக்கெட் பயிற்சி தரும் ஆஸ்திரேலியா வீரர்


Send us your feedback to audioarticles@vaarta.com


நடிகர் சிவகார்த்திகேயன் தயாரிப்பில் அவரது நண்பர் அருண்காமராஜ் இயக்கி வரும் 'கனா' படத்தில் கிரிக்கெட் வீராங்கனையாக ஐஸ்வர்யா ராஜேஷ் மற்றும் அவரது தந்தையாக சத்யராஜ் நடித்து வருகின்றனர் என்பது தெரிந்ததே.
இந்த நிலையில் இந்த படத்தில் கிரிக்கெட் வீராங்கனையாக நடித்து வரும் ஐஸ்வர்யா ராஜேஷூக்கு முன்னாள் ஆஸ்திரேலியா கிரிக்கெட் வீரர் டேவ் வாட்மோர் அவர்கள் பயிற்சி அளித்து வருவதாகவும், அவரிடம் கற்று கொண்ட கிரிக்கெட் தொடர்பான நுணுக்கங்களை ஐஸ்வர்யா இந்த படத்தில் பயன்படுத்தவுள்ளதாகவும் செய்திகள் வெளிவந்துள்ளது. இதனால் இந்த படத்தின் கிரிக்கெட் போட்டி காட்சிகள் தத்ரூபமாக இருக்கும் என்றும், இந்த படம் ஐஸ்வர்யாவுக்கு ஒரு திருப்புமுனையாக இருக்கும் என்றும் எதிர்பார்க்கப்படுகிறது.
ஐஸ்வர்யா ராஜேஷ், சத்யராஜ், இளவரசு, ரமா, முனீஸ்காந்த், அறிமுக நடிகர் தர்ஷன் ஆகியோர் உள்பட பலர் நடித்து வரும் இந்த படத்திற்கு திபு நினன் தாமஸ் இசையமைக்க, தினேஷ் கிருஷ்ணன் ஒளிப்பதிவு செய்கிறார். ஆண்டனி எல் ரூபன் எடிட்டிங்கில், லால்குடி இளையராஜா கலை இயக்குனராக பணியாற்றுகிறார். பல்லவி சிங் ஆடைகளை வடிவமைக்க, போஸ்டர்களை வடிவமைக்கிறார் வின்சி ராஜ். இந்த படம் இந்த ஆண்டு இறுதியில் வெளியாகும் என எதிர்பார்க்கப்படுகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments