సమంతకి ఈసారి ఏం దక్కుతుందో?
- IndiaGlitz, [Saturday,October 10 2015]
క్యూట్ గ‌ర్ల్ స‌మంత, మాట‌ల మాంత్రికుడు త్రివిక్ర‌మ్‌ది హిట్ కాంబినేషన్. వీరిద్ద‌రి కాంబినేష‌న్‌లో వచ్చిన రెండు చిత్రాలు 'అత్తారింటికి దారేది, స‌న్నాఫ్ స‌త్య‌మూర్తి' బాక్సాఫీస్ వ‌ద్ద 50 కోట్ల‌కు పైగా వ‌సూళ్లు సంపాదించి.. హిట్ లిస్ట్‌లో చేరాయి. ఇప్పుడు వీరిద్ద‌రి క‌ల‌యిక‌లో వ‌స్తున్న మూడో చిత్రం 'అ..ఆ.. '(అనసూయ రామ‌లింగం వెర్స‌స్ ఆనంద్ విహారి). నితిన్ హీరోగా న‌టిస్తున్న ఈ సినిమాని మొద‌ట సంక్రాంతికి విడుద‌ల చేయాల‌ని ప్లాన్ చేసినా.. ఫిబ్ర‌వ‌రికి విడుద‌ల‌య్యేలా చిత్ర యూనిట్ ప్లాన్ చేస్తోంద‌ని ఈ మధ్య వార్త‌లు వినిపిస్తున్నాయి.
ఇదే నిజ‌మైతే.. సమంతకి ఈ నెల ప్ర‌త్యేక‌మైన‌దే. ఎందుకంటే ఆమె తొలి చిత్రం 'ఏమాయ చేసావే' ఇదే నెల‌లో విడుద‌లై ఆమెకి ఈ రేంజ్ రావ‌డానికి శుభారంభాన్నిచ్చింది. ఆరేళ్ల తరువాత మ‌ళ్లీ అదే నెల‌లో త‌న సినిమా వ‌స్తుందంటే.. ఆమెకిది హ్యాపీ న్యూసే. అయితే ఎటొచ్చి ఇదే నెల‌లో 2013లో వచ్చిన 'జ‌బ‌ర్‌ద‌స్త్' అనే అట్ట‌ర్ ఫ్లాప్ కూడా ఆమె లిస్ట్‌లో ఉంది. మ‌రి ముచ్చ‌ట‌గా మూడోసారి అదే నెల‌లో రానున్న 'అ..ఆ..' ఫ‌లితం ఎటువైపు మొగ్గుతుందో చూడాలి.