రిపబ్లిక్ డే నాడు ప్రకాష్ రాజ్ ఏం చేసారో తెలుసా..?
- IndiaGlitz, [Thursday,January 26 2017]
తెలుగు, త‌మిళ్, క‌న్న‌డ, హిందీ భాష‌ల్లో విభిన్న పాత్ర‌లు పోషించి విల‌క్ష‌ణ న‌టుడుగా గుర్తింపు ఏర్ప‌రుచుకున్న సీనియ‌ర్ న‌టుడు ప్రకాష్ రాజ్. న‌టుడు గానే కాకుండా నిర్మాతగా, ద‌ర్శ‌కుడుగా రాణిస్తున్న ప్రకాష్ రాజ్ సమాజానికి ఏదైనా చేయాల‌నే స‌దుద్దేశ్యంతో తెలంగాణ‌లోని కొండారెడ్డి ప‌ల్లెను ద‌త్త‌త తీసుకుని అభివృద్ది చేస్తున్నారు.
ఈరోజు రిపబ్లిక్ డే సంద‌ర్భంగా ప్రకాష్ రాజ్ ట్విట్ట‌ర్ లో.... కొండారెడ్డి ప‌ల్లెలో గ‌వ‌ర్న‌మెంట్ స్కూల్ ను ఆధునీక‌రించిన విష‌యాన్ని తెలియ‌చేసారు. ప్రకాష్ ఫౌండేష‌న్ ద్వారా ఈ స్కూలు కోసం చేప‌ట్టిన అభివృద్ది పనులును తెలియ‌చేసేలా ట్విట్ట‌ర్ లో ఫోటోల‌ను పోస్ట్ చేసారు. అంతే కాకుండా రిపబ్లిక్ డే అయిన నేడు కొండారెడ్డి ప‌ల్లె లోని గ్రామ ప్ర‌జ‌లు, విద్యార్ధినీ విద్యార్ధుల‌తో ఇంట్రాక్ట్ అయిన‌ట్టు ప్రకాష్ రాజ్ తెలిపారు.