ఇదేంటి 'కబాలి'గారూ....?
- IndiaGlitz, [Tuesday,June 07 2016]
సూపర్ స్టార్ రజనీకాంత్ కబాలి' సినిమాను ఏ ముహుర్తాన మొదలు పెట్టాడో కానీ, అభిమానులను మాత్రం ఊరిస్తున్నాడనాలి. ఊరించడం ఎందుకు జూలై 1కే కబాలి థియేటర్స్ లో సందడి చేయబోతున్నాడు కదా అనే సందేహం కలగక మానదు. అయితే సినిమాను ఈద్ కంటే ముందు రిలీజ్ చేయడానికి డిస్ట్రిబ్యూటర్స్ ఒప్పుకోవడం లేదట. ప్రస్తుతం అందరూ నిర్మాతతో చర్చిస్తున్నారట.
సినిమాను జూలై 15న విడుదల చేయాలని అనుకుంటున్నారట. అయితే ఇది ఇంకా చర్చల దశలోనే ఉందని సమాచారం. ఒకవేళ నిజంగానే చర్చలు సఫలమై కబాలి విడుదల ఆలస్యమైతే మాత్రం రజనీకాంత్ అభిమానులు మరింత నిరాశకు లోనయ్యే అవకాశం ఉంది. ఎందుకంటే అల్రెడి ఆడియో విడుదల కార్యక్రమాలు ఏమీ లేకుండానే పాటలను డైరెక్ట్ గా మార్కెట్లోకి విడుదల చేస్తున్నారు. ఇప్పుడు సినిమా విడుదల కూడా ఆలస్యమైతే వారికి నిరుత్సాహం తప్పదు.