అనుష్క ప్ర‌ధాన పాత్ర‌లో గుణ శేఖ‌ర్ స్వీయ ద‌ర్శ‌క‌త్వంలో తెర‌కెక్కిన భారీ చారిత్రాత్మ‌క చిత్రం రుద్ర‌మ‌దేవి. 3డి లో రూపొందిన రుద్ర‌మ‌దేవి సినిమా పై భారీ అంచ‌నాలు ఏర్ప‌డ్డాయి. ప్ర‌పంచ వ్యాప్తంగా రుద్ర‌మ‌దేవి చిత్రాన్ని ఈనెల 9న రిలీజ్ చేస్తున్నారు. ఇక అస‌లు విష‌యానికి వ‌స్తే...రుద్ర‌మ‌దేవి సినిమాలో అల్లు అర్జున్ గోన గ‌న్నారెడ్డి పాత్ర పోషించిన విష‌యం తెలిసిందే. అయితే గోన గన్నారెడ్డి గా అల్లు అర్జున్ క‌నిపించేది కాసేపే అంటూ ప్ర‌చారం జ‌రిగింది.ఇదే విష‌యాన్ని డైరెక్ట‌ర్ గుణ శేఖ‌ర్ ని అడిగితే... గోన గ‌న్నారెడ్డి పాత్ర 50 నిమిషాలు ఉంటుంద‌ని చెప్పారు. అంటే బ‌న్ని పోషించింది అతిధి పాత్ర కాదు..ప్ర‌ధాన పాత్రే. ఈ వార్త అభిమానుల‌కు శుభ‌వార్తే. మ‌రి..గోన గ‌న్నారెడ్డి పాత్ర‌ను బ‌న్ని ఎలా చేసాడ‌నేది తెలియాలంటే ఈ నెల 9 వ‌ర‌కు ఆగాల్సిందే.