'కంచె' సెన్సార్ రిపోర్ట్ ఏమిటి...?
- IndiaGlitz, [Wednesday,September 30 2015]
మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ నటించిన తాజా చిత్రం కంచె. ఈ చిత్రాన్ని క్రిష్ తెర‌కెక్కించారు. రెగ్యుల‌ర్ మూవీస్ కి భిన్నంగా రెండవ ప్ర‌పంచ యుధ్దం నేప‌ధ్యంతో కంచె చిత్రాన్ని రూపొందిచ‌డం విశేషం. ఇక అస‌లు విష‌యానికి వ‌స్తే....కంచె చిత్రం ఈ రోజు సెన్సార్ పూర్తి చేసుకుంది. సినిమాను చూసిన సెన్సార్ బోర్డ్ వారు యు/ఎ సర్టిఫికెట్ ఇచ్చారు.
అంతే కాకుండా కంచె సినిమా విజువ‌ల్స్ చూసి థ్రిల్ ఫీల‌య్యార‌ట. రెండవ ప్ర‌పంచ యుథ్థం నాటి స‌న్నివేశాలును తెర‌పై చూపించిన విధానం అద్భుతం అంటూ కంచె యూనిట్ ను ప్ర‌శంసించార‌ని స‌మాచారం. సెన్సార్ పూర్త‌య్యింది. ఇక మిగిలింది సినిమా రిలీజ్ చేయ్య‌డ‌మే. గాంధీ జ‌యంతి సంద‌ర్భంగా అక్టోబ‌ర్ 2న కంచె మూవీని రిలీజ్ చేయాల‌నుకున్నారు. కానీ కొన్ని కార‌ణాల వ‌ల‌న న‌వంబ‌ర్ 6 కి వాయిదా ప‌డింది. సెన్సార్ మెంబ‌ర్స్ ను మెప్పించిన కంచె ప్రేక్ష‌కుల‌ను కూడా మెప్పిస్తుంద‌ని ఆశిద్దాం.