నందమూరి న‌ట సింహా్ం బాల‌య్య న‌టిస్తున్న తాజా చిత్రం డిక్టేట‌ర్. ఈ సినిమాలో బాల‌య్య స‌ర‌స‌న అంజ‌లి, సోనాల్ చౌహ‌న్ న‌టిస్తున్నారు.ఈ చిత్రాన్ని శ్రీవాస్ తెర‌కెక్కిస్తున్నారు. ఈరోస్ ఇంట‌ర్నేష‌న‌ల్ సంస్థ ఫ‌స్ట్ టైం నిర్మాణ రంగంలో ప్ర‌వేశించి సినిమా తీస్తుండ‌డం ఓ విశేష‌మైతే...డైరెక్ట‌ర్ శ్రీవాస్ కూడా ఫ‌స్ట్ టైం నిర్మాతగా మారి ఈ చిత్రాన్ని ఈరోస్ తో క‌ల‌సి నిర్మిస్తుండ‌డం మ‌రో విశేషం.

ఇక అస‌లు విష‌యానికి వ‌స్తే...డిక్టేట‌ర్ మూవీ హైద‌రాబాద్ లో షూటింగ్ జ‌రుపుకుంటుంది. ప్ర‌స్తుతం ఇంట‌ర్వెల్ సీన్స్ షూట్ చేస్తున్నారు. ఆడియోన్స్ షాక్ అయ్యేలా డిక్టేట‌ర్ మూవీ ఇంట‌ర్వెల్ ఎపిసోడ్ ఉంటుంద‌ట‌. సినిమాకి ఇంట‌ర్వెల్ ఎపిసోడ్ మెయిన్ హైలెట్ గా నిలుస్తుంద‌ని స‌మాచారం. ర‌చ‌యిత‌లు కోన వెంక‌ట్, గోపీ మోహ‌న్, శ్రీధ‌ర్ సీపాన‌, డైమండ్ ర‌త్నం వ‌ర్క్ చేసిన డిక్టేట‌ర్ కి త‌మ‌న్ సంగీతాన్ని అందిస్తున్నారు. ఈ చిత్రాన్ని సంక్రాంతి కానుక‌గా జ‌న‌వ‌రి 14న రిలీజ్ చేయ‌డానికి ప్లాన్ చేస్తున్నారు.