కౌశల్ భార్యకు ఏమైంది.. ఆందోళన కలిగించేలా పోస్ట్ !
- IndiaGlitz, [Saturday,May 29 2021]
బిగ్ బాస్ సీజన్ 2 తెలుగు విజేత కౌశల్ మందా. బిగ్ బాస్ ముందు వరకు కౌశల్ ఒక సాధారణ నటుడు, మోడల్ మాత్రమే. కానీ బిగ్ బాస్ షో తర్వాత కౌశల్ ఓ హీరోలా మారిపోయాడు. కౌశల్ కు మద్దతుగా కౌశల్ ఆర్మీ అంటూ సోషల్ మీడియాలో పెద్ద క్యాంపైన్ నడిచింది.
అంతలా కౌశల్ బిగ్ బాస్ లో తన పెర్ఫామెన్స్ తో ఆడియన్స్ ని ప్రభావితం చేశారు. అదే సమయంలో కౌశల్ చుట్టూ కొన్ని వివాదాలు కూడా ఉన్నాయి. కౌశల్ ఆర్మీ నిధుల్ని దుర్వినియోగం చేశారు అంటూ కౌశల్ తో పాటు అతడి భార్య నీలిమ కూడా ఆరోపణలు ఎదుర్కొన్నారు.
ఇదీ చదవండి: సుశాంత్ సింగ్ రాజ్ పుత్ ఫ్రెండ్ ని అరెస్ట్ చేసిన పోలీసులు
ఇదిలా ఉండగా తన భార్య అనారోగ్యంతో బాధపడుతోందని కౌశల్ గతంలోనే తెలిపాడు. తాజాగా కౌశల్ సోషల్ మీడియాలో చేసిన పోస్ట్ అభిమానుల్లో కాస్త ఆందోళన కలిగించే విధంగా ఉంది.
'ఏదో ఒకటి సాధించేందుకు వచ్చావు. ఏదో చేయాలనే ఉద్దేశంతో జీవితంతో పోరాడుతున్నావు. ధైర్యంగా నువ్వు అనుకున్నవి సాధిస్తావు. నువ్వు త్వరగా కోలుకోవాలని కోరుకుంటున్నాను'అని కౌశల్ తన భార్యని ఉద్దేశిస్తూ ఇన్స్టాగ్రామ్ లో ఈ పోస్ట్ పెట్టాడు.
దీనితో అభిమానులు ఆందోళన చెందుతూ కామెంట్స్ పెడుతున్నారు. వదినకు ఏమైంది అన్నా, ఆమె త్వరగా కోలుకోవాలి అని కౌశల్ పోస్ట్ కి కామెంట్స్ చేస్తున్నారు.