పూరి జ‌గ‌న్నాథ్ సినిమాల్లో హీరోలే కాదు, టైటిల్స్ కూడా మామూలు సినిమా టైటిల్స్‌తో తేడాగానే క‌న‌ప‌డ‌తాయి. ఇడియ‌ట్‌,పోకిరి, దేశ‌ముదురు, లోఫ‌ర్ ఇలాంటి తిట్ల టైటిల్‌నే పూరి ఎంచుకుంటాడు. అయితే బాల‌కృష్ణ 101వ సినిమాను ఇప్పుడు పూరి డైరెక్ట్ చేస్తున్న సంగ‌తి తెలిసిందే. శ్రియా, ముస్కాన్ హీరోయిన్స్‌గా న‌టిస్తున్న ఈ సినిమాను సెప్టెంబ‌ర్ 29న విడుద‌ల చేయనున్నారు.

అస‌లు ఈ సినిమాకు ఏ టైటిల్ పెడతారోన‌ని నంద‌మూరి అభిమానులు ఆస‌క్తిగా ఎదురుచూస్తున్నారు. ఈ సినిమాకు ఉస్తాద్ అనే టైటిల్ విన‌ప‌డింది. అయితే ఇప్పుడు బ్యాన‌ర్‌పై `తేడా సింగ్` అనే టైటిల్‌ను రిజిష్ట‌ర్ చేశార‌ట‌. నిజంగానే ఈ టైటిల్ పెడ‌తారోమో కానీ ఈ టైటిల్‌ను నంద‌మూరి అభిమానులు స్వాగ‌తిస్తారా అనిపిస్తుంది. ఈ చిత్రంలో బాల‌య్య గ్యాంగ్‌స్ట‌ర్ పాత్ర‌లో క‌న‌ప‌డుతున్నాడు.