ర‌మేష్ వ‌ర్మ ద‌ర్శ‌క‌త్వంలో నితిన్ హీరోగా హీరో హ‌వీష్ ప్రొడ‌క్ష‌న్ హౌస్ ఓ సినిమా నిర్మించ‌బోతుందంటూ ఆ మ‌ధ్య వార్త‌లు వ‌చ్చాయి. వాటిని చూడ‌గానే నితిన్ కొట్టిపారేశారు. త‌న సినిమాల గురించి తాను చెప్పే వ‌ర‌కూ ఎవ‌రూ న‌మ్మొద్ద‌ని తానే చెబుతాన‌నీ స్ప‌ష్టం చేశారు. నితిన్ ట్విట్ట‌ర్ వేదిక‌గా ఈ విష‌యాన్ని అనౌన్స్ చేయ‌డానికి ముందు రోజే చంద్ర‌శేఖ‌ర్ యేలేటి ద‌ర్శ‌క‌త్వంలో భ‌వ్య క్రియేష‌న్స్ ప‌తాకంపై తాను ఓ సినిమాను చేయ‌బోతున్నాన‌ని చెప్పారు. ఆ సినిమాకు కీర‌వాణి సంగీతాన్ని అందిస్తార‌ని కూడా అన్నారు.

ఆ త‌ర్వాత నితిన్ త‌న సినిమాల గురించి ప్ర‌క‌టించ‌లేదు. శ‌నివారం త‌న పుట్టిన‌రోజును పుర‌స్క‌రించుకుని ఆయ‌న ముందు రోజు ట్వీట్లు చేశారు. అందులో ర‌ష్మిక హీరోయిన్‌గా సితార ఎంట‌ర్‌టైన్ మెంట్స్ నిర్మించ‌బోయే సినిమా ప్ర‌స్తావ‌న ఉంది. ఆ సినిమా పేరు భీష్మ‌. వెంకీ కుడుముల ద‌ర్శ‌క‌త్వం వ‌హిస్తున్నారు. `చ‌లో` త‌ర్వాత వెంకీ ద‌ర్శ‌క‌త్వం వ‌హించే సినిమా అదే. ఈ సినిమా త‌ర్వాత ఆయ‌న కృష్ణ చైత‌న్య ద‌ర్శ‌క‌త్వంలో ఓ సినిమా చేస్తారు. సొంత సంస్థ శ్రేష్ట్ మూవీస్ ఆ సినిమాను నిర్మించ‌బోతుంది. సో వ‌రుస‌గా ఏడాది వ‌ర‌కు త‌న కాల్షీట్ల‌ను ఎవ‌రెవ‌రికి కేటాయించేశారో ఇన్‌డైర‌క్ట్ గా, ఒకింత డైర‌క్ట్ గా ప్ర‌క‌టించిన నితిన్.... ర‌మేష్ వ‌ర్మ సినిమా గురించి మాత్రం మాట‌మాత్ర‌మైనా మాట్లాడ‌క‌పోవ‌డం గ‌మనార్హం.