தல அஜித் நடித்த 'பில்லா' திரைப்படத்தின் 11வது ஆண்டு நேற்று அவரது ரசிகர்களால் கொண்டாடப்பட்டது. அஜித்தின் ஸ்டைலிஷான தோற்றம், நயன்தாராவின் கவர்ச்சி, விஷ்ணுவர்தனனின் மாஸ் திரைக்கதை ஆகியவைகளுடன் யுவன்ஷங்கர் ராஜாவின் அற்புதமான பின்னணி இசை இந்த படத்தின் வெற்றிக்கு காரணமாக இருந்தது.

இந்த நிலையில் 'பில்லா' திரைப்படம் நேற்று 11வது ஆண்டு கொண்டாடப்பட்ட அதே நாளில் 'தல 59' படத்தின் பூஜையும் நடந்தது. தற்செயலாக இந்த இரு படங்களுக்கு இடையே சில அபூர்வ ஒற்றுமைகள் உள்ளது.

*இரண்டுமே சூப்பர் ஸ்டார்களின் ரீமேக் படங்கள்

*இரண்டு படங்களுக்கும் யுவன்ஷங்கர் ராஜா இசையமைக்கின்றார்

*இரண்டு படங்களுக்கும் நீரவ்ஷா தான் ஒளிப்பதிவாளர்

இரண்டு படங்களின் இயக்குனர் பெயர்களும் 'வி' என்ற எழுத்தில் ஆரம்பமாகிறது. (விஷ்ணுவர்தன் - வினோத்)

இந்த அபூர்வ ஒற்றுமைகளை அஜித் ரசிகர்கள் சமூக வலைத்தளங்களில் பதிவு செய்து கொண்டாடி வருகின்றனர்.