ఇప్పుడు సిల్వ‌ర్‌స్క్రీన్‌కు స‌మానంగా డిజిట‌ల్ మీడియం శ‌ర‌వేగంగా అభివృద్ధి అవుతున్న స‌మ‌యంలో క‌రోనా ప్ర‌భావం ఎక్కువైంది. దీంతో థియేట‌ర్స్ మూత‌ప‌డ్డాయి. దీంతో అంద‌రికీ ఓటీటీ ఒక్క‌టే వినోద సాధ‌నంగా మారింది. దీంతో నెట్‌ఫ్లిక్స్‌, అమెజాన్ స‌హా ప‌లు ఓటీటీ సంస్థ‌లు ప్రేక్ష‌కుల‌ను ఆక‌ట్టుకునే ప్ర‌య‌త్నం చేయ‌సాగాయి. తెలుగులో ఆహా అనే ఓటీటీ ప్రారంభ‌మైంది. ప‌దికోట్ల‌ను మించిన తెలుగు ప్రేక్ష‌కుల‌ను ఆక‌ట్టుకునేలా మ‌రిన్ని నెట్‌ఫ్లిక్స్‌లు రావాల్సిన ఆవ‌శ్య‌క‌త ఉంద‌ని ఈ స‌మ‌యంలో అనిపిస్తోంది. అదే స‌మ‌యంలో తెలుగులో ప్ర‌ముఖ నిర్మాత‌లు డి.సురేష్‌బాబు, దిల్‌రాజులు క‌లిసి ఓటీటీలోకి అడుగు పెట్ట‌బోతున్నార‌ని టాక్‌.

అగ్ర క‌థానాయ‌కులు సైతం సినిమాల‌తో పాటు డిజిట‌ల్ మీడియాల్లో ప్ర‌ద‌ర్శిత‌మ‌య్యే వెబ్‌సిరీస్‌ల్లోనూ న‌టించ‌డానికి ఆస‌క్తిని చూపుతున్నారు. ఇప్ప‌టికే తాను కూడా వెబ్‌సిరీస్‌ల్లో న‌టించే అవ‌కాశం ఉంద‌ని అగ్ర క‌థానాయ‌కుడు చిరంజీవి ప్ర‌క‌టించేశారు కూడా. ఆయ‌న బాట‌లోనే మ‌రో అగ్ర క‌థానాయ‌కుడు వెంక‌టేశ్ కూడా అడుగుపెట్ట‌బోతున్నారని టాక్‌. సీనియ‌ర్ డైరెక్ట‌ర్ తేజ‌తో వెంక‌టేశ్ ఈ విష‌య‌మై చ‌ర్చ‌లు జ‌రుపుతున్నార‌ని వార్త‌లు విన‌ప‌డుతున్నాయి. క‌రోనా ప్ర‌భావం ముగిసిన త‌ర్వాతే దీనిపై మ‌రింత క్లారిటీ రానుంది.