ఓ స్టార్ హీరోతో ‘షాడో’ను రూపొందించనున్నాం: ఏకే ఎంటర్‌టైన్‌మెంట్స్
- IndiaGlitz, [Friday,June 26 2020]
మధుబాబు రచించిన తెలుగు నవల ‘షాడో’ ఇప్పుడు దృశ్యరూపంగావించబడుతోంది. అతి పెద్ద నిర్మాణ సంస్థ ఏకే ఎంటర్‌టైన్స్ దీనికి దృశ్యరూపం ఇచ్చేందుకు సిద్ధమవుతోంది. వెబ్ సిరీస్ రూపంలో నవలను ప్రేక్షకుల ముందుకు తీసుకురానుంది. ఈ విషయాన్ని ఏకే ఎంటర్‌టైన్‌మెంట్స్ సంస్థ తమ అధికారిక ట్విటర్ అకౌంట్ ద్వారా వెల్లడించింది. స్టార్ హీరోల్లో ఒకరిని దీనికి హీరోగా తీసుకోవాలని భావిస్తున్నట్టు సంస్థ ప్రకటించింది.
‘‘ఓటీటీ ప్లాట్‌ఫామ్‌లోకి ఏకే ఎంటర్‌టైన్‌మెంట్స్ ఫొరాను తీసుకురావడం మాకు సంతోషంగా ఉంది. ‘షాడో’ నవలను తెరకెక్కించేందుకు సిద్ధమవుతున్నాం. ఈ వెబ్ సిరీస్‌కు ఓ స్టార్ హీరోను తీసుకోవాలని భావిస్తున్నాం. ‘షాడో’ నవలా రచయిత మధుబాబుకు ధన్యవాదాలు. ఆయన అంగీకారంతోనే మేము నవలను తెరకెక్కించనున్నాం. షాడో సిరీస్ మొత్తం నాణ్యతలో అంతర్జాతీయ రచనలకు పోటీ పడుతోంది’’ అని ఏకే ఎంటర్‌టైన్‌మెంట్స్ సంస్థ పేర్కొంది.
We are very Happy to announce our foray into the OTT Platform with #ShadowSeries! ??
— AK Entertainments (@AKentsOfficial) June 26, 2020
Taking forward the legacy of the biggest hero of our telugu novels #SHADOW ?? by Mr.Madhu Babu, and bringing it to you in the visual form.. SUPER EXCITED! #AKOriginals ⚡ @AnilSunkara1 pic.twitter.com/ziYoK96sTW