கேரளாவில் 'சர்கார்': சப் கலெக்டரின் சர்ப்ரைஸ் கருத்து
- IndiaGlitz, [Friday,November 02 2018]
தளபதி விஜய்க்கு தமிழகத்தை போலவே மிகப்பெரிய ரசிகர்கள் கூட்டம் கேரளாவில் உண்டு என்பதும் அங்குள்ள விஜய் ரசிகர்கள் அவரது படம் வெளியாகும் தினத்தில் தமிழ் ரசிகர்கள் போலவே கட் அவுட், பேனர் வைத்து அசத்தி வருவதும் தெரிந்ததே
இந்த நிலையில் கேரளாவில் உள்ள வயநாடு என்ற பகுதியின் சப் கலெக்டர் தனது சமூக வலைத்தளத்தில் விஜய் குறித்தும், சர்கார்' படம் குறித்தும் ஒரு சர்ப்ரைஸ் கருத்து ஒன்றை பதிவு செய்துள்ளார். அவர் கூறியதாவது: இங்குள்ள குழந்தைகள் பலருக்கு தமிழ் சரியாகவே தெரியாது. இருப்பினும் விஜய்யை திரையில் பார்த்தால் போதும், அவர்களது குஷி உச்சத்தை அடைகிறது. இங்குள்ள பல குழந்தைகளுக்கு நான் அறிவுரை சொல்லும்போது விஜய்யுடன் நான் இருக்கும் புகைப்படத்தை காட்டிதான் சொல்வேன். அப்போதுதான் அவர்கள் என் பேச்சை கேட்பார்கள். தமிழகத்தைவிட கேரளாவில் விஜய்க்கு மிகப்பெரிய ரசிகர்கள் கூட்டம் உள்ளது என்று பதிவு செய்துள்ளார்.
வயநாடு சப் கலெக்டர் உமேஷ் ஏற்கனவே 'பைரவா' படப்பிடிப்பின்போது விஜய்யை நேரில் சந்தித்து பேசியவர் என்பது குறிப்பிடத்தக்கது.